جۇما, 19 شىلدە 2024
انىق-قانىعى 2599 3 پىكىر 23 مامىر, 2023 ساعات 12:15

پاشينيان: قاراباق - ازەربايجان جەرى!

ەكىنشى قاراباق سوعىسىنىڭ اياقتالعانىنا دا ءۇشىنشى جىلعا اياق باستى. 44 كۇندىك وتان سوعىسى ازەربايجاننىڭ اسكەري ءھام ديپلوماتيالىق جەڭىسىمەن اياقتالىپ، تاراپتار كەلىسىمگە كەلگەن.

دەسە دە، سودان بەرى ەكىارادا بىرنەشە مارتە قارۋلى قاقتىعىستار ورىن الىپ، ەكى تاراپتان دا قازا تاپقاندار بولدى. بۇل تۋرالى سول ۋاقىتتاردا Abai.kz اقپاراتتىق پورتالىندا جازدىق.

جۋىردا ارمەنيا پرەمەرى نيكول پاشينيان: «ەرەۆان قاراباقتى ازەربايجان جەرى دەپ تانۋعا دايىن»، - دەپ مالىمدەدى. ەرەۆاننىڭ جالعىز عانا شارتى بار. ول – باكۋ وسى ايماقتا تۇراتىن ەتنيكالىق ارميانداردىڭ قاۋىپسىزدىگىن قامتاماسىز ەتۋى ءتيىس.

پرەمەر-ءمينيستردىڭ ايتۋىنشا، ارمەنيا ازەربايجاننىڭ، قاراباقتى قوسا ەسەپتەگەندە، 86600 شارشى شاقىرىم اۋماعىن مويىندايدى، بىراق رەسمي باكۋ ول ءۇشىن ارمەنيا اۋماعى 29800 شارشى شاقىرىم ەكەنىن مويىنداۋى ءتيىس.

پاشينياننىڭ مالىمدەۋىنشە، ارميان حالقىنىڭ قاۋىپسىزدىگى باكۋ مەن حانكەندى اراسىنداعى كەلىسسوزدەر اياسىندا تالقىلانۋى كەرەك. ارميان پرەمەرى ازەربايجاننىڭ بۇل جەرلەردە ارميانداردى قۋدالاۋ ساياساتىن جۇرگىزبەيتىنىنە حالىقارالىق كەپىلدىك العىسى كەلەدى.

قاراباق حالىقارالىق قۇقىق بويىنشا ازەربايجان اۋماعىنا جاتادى. بۇل ايماقتا نەگىزىنەن ەتنيكالىق ارمياندار تۇرادى. 1990 جىلداردىڭ باسىنان بەرى باكۋ ءوڭىردىڭ كوپ بولىگىنە باقىلاۋ ورناتا الماي قالدى. ارميان قاۋىمىنىڭ وكىلدەرى رەسپۋبليكا تاۋەلسىزدىگىن جاريالادى، بىراق ونى الەمنىڭ ەشبىر مەملەكەتى، ارمەنيا دا دەربەس ەل دەپ تانىعان جوق.

Abai.kz

3 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1281
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2009
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2067