سەيسەنبى, 16 شىلدە 2024
ءدىن مەن ءتىن 2269 7 پىكىر 25 مامىر, 2023 ساعات 11:11

ءدىن مەن ءتىن: حيدجاب جارناما ما؟

وسى كەيىنگى كەزدەرى ەلىمىزگە كەڭىنەن تانىمال، اسىرەسە, جاستاردىڭ جۇرەگىن جاۋلاپ العان ءانشى-ارتىستەرىمىزدىڭ جاپپاي جامىلعى جاۋىپ، تۇرمىسىمىزعا مۇلدەم جات كيىم - حيدجابقا ورانىپ الىپ جۇرگەندىگى كوڭىلگە ءارتۇرلى وي ورالتادى.

وسىلار شىنىمەن قاسيەتتى ءدىنىمىزدىڭ حاق جولىنا ءتۇستى مە، الدە وزدەرىن ەلدەن ەرەكشە كورسەتۋگە تىرىسىپ، سانگە اينالدىردى ما؟ بولماسا، مۇنىڭ استارىندا ءبىز بىلمەيتىن قۇپيا سىر بار ما؟ مۇمكىن، ول وزگە بىرەۋلەردىڭ ەلىمىزدىڭ تالاي عاسىر قالىپتاسقان قاسيەتتى ادەت-عۇرپى مەن سالت-ءداستۇرىن اسا ءبىر جىمىسقى تاسىلمەن ءبىرجولاتا جويىپ جىبەرۋگە باعىتتالعان، قۋلىعىنا قۇرىق بويلامايتىن قاۋىپتى ارەكەت پە؟ مۇنى قازىرگى وتە ءبىر قۋاتتى قارۋ - قارجى كوزىمەن ىستەمەسىنە كىم كەپىل؟

مەنىڭ بۇلاي ويلاۋىما جاقىندا عانا الەمجەلىدە بەلگىلى تەلەجۇرگىزۋشى دينارا ءساتجاننىڭ ءبىر پىكىرى تۇرتكى بولدى. تانىمال ءجۋرناليستىڭ پايىمداۋىنشا، حيدجاب كيۋ دە وراسان تابىس كوزى، ونى كيۋگە كەلىسىم بەرگەندەرگە جارناما ەسەبىندە مول قارجى ۇسىناتىن كورىنەدى. مۇنى ول وزىنە وتە تانىس ايگىلى بلوگەرلەردىڭ ءوز اۋزىنان ەستىگەن ەكەن.

ارينە، مەن مۇنى ءداپ وسىلاي دەپ كەسىپ-ءپىشىپ ايتا المايمىن. الايدا، جازىلاتىندارى مىڭداپ ەمەس، ميلليونداپ سانالاتىن بلوگەرلەردىڭ نەگىزگى تابىس كوزى جارنامادان تۇسەتىن مول قارجى ەكەندىگى، ولار سونىڭ ارقاسىندا شالقىپ ءومىر ءسۇرىپ وتىرعاندىعى ەشكىمنەن دە قۇپيا ەمەس. ال ەندى وسىندايلارعا ساۋديا سەكىلدى شالقىعان باي مەملەكەتتىڭ ءبىرى الگىندەي ۇسىنىس جاساسا، تەگىن دۇنيەگە قىزىققان ءبىر پەندەنىڭ كونە كەتۋى ابدەن مۇمكىن عوي. ال ساۋديتتەرگە ونداعان ەمەس، جۇزدەگەن ميلليون تەڭگە دە كوپ دۇنيە ەمەس قوي. ال بۇل تۇپتەپ كەلگەندە قارجىنىڭ كۇشىمەن وزدەرىنىڭ سالت-داستۇرلەرىن وزگەلەرگە تاڭۋ سەكىلدى ۇلكەن ءبىر تەرەڭ ساياسات بولىپ تابىلارى ءسوزسىز. بۇعان ءبىز بەي-جاي قاراساق، كۇنى ەرتەڭ سان سوعىپ قالارىمىز ءسوزسىز. بۇل الدىن الا بايبالام ەمەس، تەك قۇلاققاعىس قانا. «ساقتانساڭ، ساقتارمىن» دەگەن ماقال بەكەر اتىلماسا كەرەك.

ايتپاقشى، بلوگەر دەمەكشى، ءبىز دە، قۇدايعا شۇكىر، الەمجەلىدە ميلليونداعان جىزىلىمدارى بار بلوگەرلەردەن كەندە ەمەسپىز. ولار قازىر جاستاردىڭ جاپپاي ەلىكتەيتىن، وزدەرىنە ۇلگى تۇتاتىن تانىمال جاندارعا اينالدى. ماسەلەن، كامشات جولدىباەۆا مەن ءموللىر اۋەلبەكوۆانىڭ جازىلىمدارى 3 ميلليونننان اسىپ جىعىلادى. ولاردان رامينا تايىپوۆا دا كەم تۇسپەيدى. مۇنىكى 1 ميللليونعا جەتەدى. ونىڭ ءىزىن بوتا بولابەكوۆا باسىپ كەلەدى. ونىكى ازىرشە 500 مىڭ عانا.

ال ەندى ءبىر سۇراق. وسىلارعا ورتاق نارسە نە؟ جاۋابىن ايتپايمىن. وزدەرىڭ تابىڭدار. بالا ەمەسسىڭدەر عوي. ەگەر جاۋابىن تابا الماساڭدار، كەيىن ايتامىن.

جايبەرگەن بولاتوۆ

Abai.kz

7 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1226
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1938
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1975