قىرىمعا دەمالىسقا كەتكەن قازاقستاندىق بالالار ەلگە امان-ەسەن ورالدى. وسىلاي دەپ وقۋ-اعارتۋ ءمينيسترى عاني بەيسەمباەۆ مالىمدەدى.

ۆەدومستۆو باسشىسى بولاشاقتا بالالار شەتەلگە تەك مينيسترلىكتىڭ رۇقساتىمەن جىبەرىلەتىن ايتادى.

«بالالار امان ورالدى. اتا-انالارى كۇتىپ الدى. بۇل جەردە بالالار اتا-اناسىنىڭ رۇقساتىمەن جىبەرىلگەنىن ءتۇسىنۋ كەرەك. ەندى بولاشاقتا وقۋ-اعارتۋ مينيسترلىگىنىڭ بۇيرىعىنسىز جانە ءبىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ رۇقساتىنسىز بالالار شەتەلگە جىبەرىلمەيتىن بولادى. مۇعالىم ءتيىستى جازاسىن الدى»، - دەيدى عاني بەيسەمباەۆ.

بۇعان دەيىن بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا قىرىمعا بالالاردى جىبەرۋ تۋرالى شەشىمدى ولاردىڭ اتا-انالارى قابىلداعان. ولار بۇل تۋرالى ەشقانداي ءبىلىم بەرۋ ۇيىمدارىنا، باسقارمالارعا ءتىپتى كوميتەتكە حابارلاماعان كورىنەدى. 

«كوميتەت كۇن سايىن ول بالالارمەن بايلانىستا. ولار 28 مامىردا ەلگە ورالادى دەپ جوسپارلانىپ وتىر. ولاردى تاعاتسىزدانا كۇتەمىز. بۇگىندە ولاردىڭ ومىرىنە قاۋىپ ءتونىپ تۇرعان جوق. كوڭىل كۇيلەرى، ەموتسيونالدىق جاعدايى جاقسى. سەبەبى بالالاردىڭ قاسىندا اتا-اناسى بار. (...) ءبىز ءوز بالامىزدى جىبەرەر مە ەدىك؟ ارينە، جوق. سەبەبى ول ايماقتاعى جاعداي اۋىر»، - دەگەن ەدى كوميتەت توراعاسى ناسىمجان وسپانوۆا وكق بريفينگىندە.

قازاقستان مەكتەپ وقۋشىلارىنىڭ سوعىس ايماعىنداعى لاگەرگە كەتكەنى تۋرالى 7 مامىردا بەلگىلى بولعان. بۇل تۋرالى استاناداعى ورىس ءۇيىنىڭ Instagram-پاراقشاسىندا "جارىستا جەڭىمپاز اتانعان 10 وقۋشى اننەكسيالانعان قىرىمعا 24 كۇنگە جىبەرىلەتىنى" جازىلدى. 

وقۋ-اعارتۋ مينيسترلىگى وكىلدەرىنىڭ ايتۋىنشا، ۋoungreaders.ru سايتىندا پروزا وقىرماندارىنا ارنالعان «جاندى كلاسسيكا» حالىقارالىق بايقاۋى وتكەن. وتكىزىلگەن بايقاۋدىڭ قورىتىندىسى بويىنشا 10 قازاقستاندىق وقۋشى قىرىمداعى «ارتەك» حالىقارالىق بالالار ورتالىعىنا جولداما العان. بالالاردىڭ اتا-انالارى مەكتەپ باسشىلارىنىڭ كەلىسىمىنسىز، سايتقا ءوتىنىم بەرىپ، بايقاۋعا قاتىسۋعا ءوز بەتىنشە نيەت بىلدىرگەنىن ايتتى. اتا-انالارمەن ءتۇسىندىرۋ جۇمىستارى جۇرگىزىلىپ، ولاردىڭ جاۋاپكەرشىلىگى تۋرالى قولحات الىنعان.

ەسكە سالا كەتەيىك، رەسەيلىك باسىلىمداردىڭ مالىمەتىنە سەنسەك، قازىرگى ۋاقىتتا قىرىم ءورت پەن جارىلىس وشاعىنا اينالعان.

Abai.kz