قازاقستان ەلەكتر ەنەرگياسىن ەۋروپاعا تارتۋ جوباسىن پىسىقتاپ جاتىر. بۇل تۋرالى استانا حالىقارالىق فورۋمىندا ەنەرگەتيكا ءمينيسترى الماسادام ساتقاليەۆ ايتتى، دەپ حابارلايدى قازاقپارات ءتىلشىسى.

«قازىرگى كەزدە ەلەكتر ەنەرياسى قۋاتىن جەتكىزۋ سالاسىندا ءبىرىنشى كەزەكتە ەل اۋماعىن تولىقتاي قامتاماسىز ەتۋگە باسا نازار اۋدارىپ وتىرمىز. سونىمەن بىرگە ءبىز وسى باعىتتا بىرەگەي الەۋەتىمىزدى پايدالانىپ، ەنەرگيانى ەۋروپاعا دا ەكسپورتتاۋدى قاراستىرىپ جاتىرمىز. ازەربايجانداعى ارىپتەستەرىمىزبەن جوعارى قۋاتتى كابەلدى تارتۋ بويىنشا جاڭا جوبانى تالقىلاۋدى باستادىق. بۇل جوبا قازاقستانعا ەلەكتر ەنەرگياسىن تۇركياعا، ەۋروپاعا جەتكىزۋگە مۇمكىندىك بەرەر ەدى»، - دەدى ا. ساتقاليەۆ.

*سۋرەت مينيسترلىك سايتىنان الىندى.

Abai.kz