ەكولوگيا ءمينيسترى ءزۇلفيا سۇلەيمەنوۆا ءوز ۆەدومستۆوسىنا قىلمىس الەمىنىڭ «اۆتوريتەتى» قالاي جۇمىسقا كىرىپ كەتكەنىن تۇسىندىرۋگە تىرىستى، دەپ حابارلايدى Ulysmedia.kz.

جاۋاپ بەرۋ بارىسىندا سۇلەيمەنوۆا اۋەلى قىلمىستىق كوشباسشىعا ۇقسامايتىنىن ايتىپ، قالجىڭداۋعا تىرىستى.

«كوپتىڭ سوزىنە قاراسام، مەن قىلمىستىق كوشباسشى رولىنە ساي كەلەتىن سياقتىمىن. جۇمىسقا قابىلدانعان كەز كەلگەن قىزمەتكەر ءتيىستى تەكسەرۋدەن وتەدى. حاسەنوۆكە بۇيرىق كەلگەندە، سوتتىلىقتىڭ جوقتىعى تۋرالى انىقتاما قوسا بەرىلدى. قۇقىق قورعاۋ ورگاندارىنىڭ باسقا دا دەرەكقورلارىنا قاتىستى ءبىز مىندەتتى تۇردە تەكسەرەمىز. بىراق تاعايىنداۋ كەزىندە انىقتاما بولدى»، - دەدى مينيستر.

ەسكە سالا كەتسەك، بۇعان دەيىن وسى ءمينيستردىڭ وڭ قولى زاڭعار حاسەنوۆ دەگەن ادامنىڭ بولعانى، وعان ورمانشىلاردى تەكسەرۋ قۇزىرەتى بەرىلگەنى حابارلانعان بولاتىن. حاسەنوۆتىڭ قىلمىس الەمىندە سالماعى بولعانى دا ءبىرشاما جازىلعان.

فوتو: baigenews.kz

Abai.kz