قازاقستاندا تاعى ءبىر پارتيا قۇرىلماق: "YNTYMAQ" پارتياسىنىڭ باستاماشىل توبى رەسمي تىركەۋدەن ءوتۋ ءۇشىن قر ادىلەت مينيسترلىگىنە قۇجاتتارىن تاپسىرىپتى.

بۇل تۋرالى زاماناۋي قوعامدى زەرتتەۋ ينستيتۋتىنىڭ ديرەكتورى، ەكونوميكا عىلىمدارىنىڭ دوكتورى مەيرام قاجىكەن مالىمدەدى.

ونىڭ ايتۋىنشا، رەسپۋبليكالىق "YNTYMAQ" پارتياسىنىڭ ۇيىمداستىرۋ كوميتەتى 3 شىلدە كۇنى قۇجاتتارىن وتكىزگەن. ەندى قر ادىلەت مينيسترلىگىنىڭ جاۋابىن كۇتىپ وتىر.

ايتا كەتەيىك، مەيرام قاجىكەن 2022 جىلى قر پرەزيدەنتتىگىنە ۇمىتكەر بولعان. ول كەزدە قاجىكەن «امانات» كاسىپوداقتار دوستاستىعى اتىنان قاتىسقان. 2,53 پايىز داۋىس جيناپ، 6 ۇمىتكەردىڭ اراسىندا 4-ءشى ورىن العان.

مەيرام قاجىكەن 62 جاستا. پاۆلودار وبلىسىنىڭ تۋماسى. پاۆلودار وبلىسى اكىمدىگىندە، قر ۇلتتىق ەكونوميكا مينيسترلىگىندە،  قر يندۋستريا جانە ساۋدا مينيسترلىگىندە قىزمەت ەتكەن. قر پرەمەر-ءمينيسترىنىڭ كەڭەسشىسى بولعان.

Abai.kz