ەۋروپا قاۋىپسىزدىك جانە ىنتىماقتاستىق ۇيىمى (ەقىۇ) «ۆاگنەر» رەسەيلىك جەكە اسكەري كومپانياسىن تەرروريستىك ۇيىم دەپ تانىدى.

4 شىلدەدە ۆانكۋۆەردە وتكەن ەقىۇ پارلامەنتتىك اسسامبلەياسىندا «ۆاگنەر» اسكەري كومپانياسىنىڭ سيپاتى مەن نيەتى تەرروريستىك ءىس-ارەكەتكە جاتادى دەپ باعالاندى.

ولارعا دەمەۋشىلىك جاساپ وتىرعان رەسەي ۇكىمەتىنە اسكەري ۇيىمنىڭ جاساعان زورلىق-زومبىلىقتارى ءۇشىن جاۋاپكەرشىلىك ارتىلدى.

ەقىۇ «ۆاگنەر» جاساقتارىن قولداعانى ءۇشىن بەلارۋس مەملەكەتىن دە ايىپتادى.

«ءوزىنىڭ تەرريتورياسىنا «ۆاگنەردىڭ» اسكەري بازاسىن قۇرۋعا رۇحسات ەتكەن بەلارۋس بۇكىل بالتىق جاعالاۋى ەلدەرىنە قاۋىپ ءتوندىرىپ وتىر»،-دەلىنگەن پارلامەنتتىك اسسامبلەيا دەكلاراتسياسىندا.

ايتا كەتەيىك، ەقىۇ-عا الەمنىڭ 57 مەملەكەتى مۇشە، ونىڭ ىشىندە قازاقستان دا، رەسەي دە بار.

Abai.kz