گەرمانيانىڭ ىشكى ىستەر مينيسترلىگى لاڭكەستىك ارەكەتتى دايىنداپ جاتقان قىلمىستىق توپتىڭ ۇستالعانى تۋرالى مالىمدەدى. ورتالىق ازيا ەلدەرىنىڭ تۋمالارى ۇستالدى.

گەرمانيا مەن نيدەرلاندىدا ورتالىق ازيا ەلدەرىنەن كەلگەن توعىز يمميگرانت تەرروريزمگە قاتىسى بار دەگەن ايىپپەن ۇستالدى. تەرگەۋشىلەردىڭ ايتۋىنشا، ولار گەرمانيادا شابۋىلدار دايىنداپ، «يسلام مەملەكەتى» لاڭكەستىك توبىنىڭ قىزمەتىنە اقشا جيناپ جۇرگەن. بۇل مالىمەتتەرگە سايكەس، كۇدىكتىلەر اۋعانستاندا جانە كورشىلەس ەلدەردە ورنالاسقان يسلامشىلارمەن بايلانىستا بولعان.

سولتۇستىك رەين-ۆەستفاليانىڭ ىشكى ىستەر ءمينيسترى گەربەرت روۋلدىڭ ايتۋىنشا، 20 مەن 46 جاس ارالىعىنداعى تۇرىكمەنستان، قىرعىزستان جانە تاجىكستان ازاماتتارى ۇستالدى. تەرگەۋشىلەردىڭ مالىمەتىنە قاراعاندا، ولار قازىردىڭ وزىندە كۋراتورلاردان شابۋىل جاساۋ تۋرالى نۇسقاۋ الىپ، دايىندىقتى باستاپ كەتكەن، بىراق ناقتى مالىمەتتەر ءالى پىسىقتالعان جوق. پروكۋراتۋرا قولدا بار دەرەكتەر توپ مۇشەلەرى دەپ بولجانعان ادامداردى ۇستاۋعا جەتكىلىكتى دەپ سانادى.

Abai.kz