بۇعان دەيىن الەۋمەتتىك جەلىلەردە تۇركىستان وبلىسىنداعى ارىس اۋدانىندا ەر ادام بەس جاسار قىزدى زورلادى دەگەن اقپارات تاراعان ەدى. بۇل وقيعا قازاق قوعامىندا قىزۋ تالقى بولۋدا. جانتۇرشىگەرلىك قاتىستى پرەزيدەنت توقاەۆ تا رەاكتسيا ءبىلدىرىپ، پىكىر ايتتى.

ەندى مىنە، ونىڭ ءىزى سۋىماي، اراعا ەكى اي سالىپ، تاعى دا وسى ايماقتا 5 جاسار قىز قورعانسىزدىڭ كۇيىن كەشىپ وتىر. پرەزيدەنت توقاەۆ تۇركىستان وبلىسىنىڭ سارىاعاش اۋدانىندا 5 جاسار قىز بالانىڭ ولتىرىلگەنى جونىندەگى قايعىلى وقيعاعا پىكىر ءبىلدىردى.

پرەزيدەنت باس پروكۋراتۋرا مەن ىشكى ىستەر مينيسترلىگىنە بولعان قايعىلى وقيعانىڭ ءمان-جايىن مۇقيات تەكسەرۋدى تاپسىردى.

بۇل قازاق قوعامى ءۇشىن زور الەۋمەتتىك قاتەر. جانە وسىنداي ءجابىر كورگەن جايتتاردىڭ ەل قۇلاعىنا شالىنباعانى قانشا؟..

«مەملەكەت باسشىسىنا تۇركىستان وبلىسىنىڭ سارىاعاش اۋدانىندا 5 جاسار قىز بالانىڭ ولتىرىلگەنى جونىندەگى قايعىلى وقيعا تۋرالى مالىمەت بەرىلدى.

قۇقىق قورعاۋ ورگاندارى ءىستى تەرگەۋ امالدارىن جۇرگىزىپ جاتىر. كۇدىكتى انىقتالدى.

قولدا بار اقپارات بويىنشا، كۇدىكتى بۇعان دەيىن كىسى ولتىرگەنى ءۇشىن سوتتالىپ، 10 جىلعا باس بوستاندىعىنان ايىرىلعان. بيىل وعان ادام دەنساۋلىعىنا قاساقانا اۋىر زيان كەلتىرگەنى ءۇشىن 3 جىلعا باس بوستاندىعىن شەكتەۋ جونىندە ۇكىم شىعارىلعان.

پرەزيدەنت باس پروكۋراتۋرا مەن ىشكى ىستەر مينيسترلىگىنە بولعان قايعىلى وقيعانىڭ ءمان-جايىن مۇقيات تەكسەرۋدى تاپسىردى. مەملەكەت باسشىسى بيىل شىعارىلعان سوت ۇكىمىنىڭ زاڭدىلىعىن قاراستىرۋ جانە ادامعا قاتىستى اسا قاۋىپتى قىلمىس جاساعانى ءۇشىن قىلمىستىق جاۋاپكەرشىلىكتى كۇشەيتۋ ماڭىزدى دەپ سانايدى.

بالانىڭ تۋىستارى مەن جاقىندارىنا قايعىرىپ كوڭىل ايتامىز»،- دەپ جازدىاقوردانىڭ ءباسپاسوز قىزمەتى.

بۇعان ەندى بەي جاي قاراۋعا بولمايدى. بۇل ارادا باسىن اشىپ كورسەتەتىن ماسەلە: «پەدوفيليا» – جالپى ۇعىم. ونىڭ «گەبەفيليا» دەگەنى – كامىلەتكە تولماعان 12 جاسقا دەيىنگى بالالارعا كوڭىل اۋشىلىق بولسا، «ەفەبوفيليا» – 12-14 جاستاعىلارعا زاۋقى سوعۋشىلىق دەپ عىلىمي ادەبيەتتەردە اتاپ كورسەتىلەدى.

بۇل الەمدىك ادامي ازعىندىق دەرتى دامىعان ەلدەردە 90 جىلداردىڭ سوڭىندا اقش، كانادا، ۇلىبريتانيا، فرانتسيا تاعى باسقا ەۋروپا ەلدەرىندە وزىنە نازار اۋدارىپ، قالاي كۇرەسۋ كەرەكتىگى مىقتاپ قولعا الىنا باستادى.

1996 جىلى كورشىسى 33 جاستاعى دجەسسي تيممەندەكاس زورلاعان 7 جاسار مەگان كانكا وقيعاسىنان كەيىن اقش-تىڭ بارلىق شتاتتارىندا بىرىنەن كەيىن ءبىرى «مەگان زاڭى» قابىلداندى. بۇل زاڭ بويىنشا زورلىقشى مەكەن-جايىن كورسەتىپ وتىرۋى كەرەك. ول تۋرالى مالىمەت اشىق تاراتىلۋعا ءتيىس.

ودان كەيىنگى ەكىنشى ارەكەت حيميالىق اتەكتەۋ (حيميچەسكوي كاستراتسي) ەۋروپا ەلدەرىندە پەدوفيلدەرگە قاتىستى قولدانىلىپ كەلەدى. ءۇشىنشى ءتۇرى يندونەزيادا زور كولەمدەگى التىنمەن باعالانعان قۇن تولەۋ زاڭى. ەڭ سوڭعىسى قىتايدا ءولىم جازاسىنا كەسۋ. وسى وقيعادان كەيىن پرەزيدەنت تاپسىرماسىن العان باس پروكۋراتۋرا مەن ىشكى ىستەر مينيسترلىگى الەمدىك ءىس-تاجىريبەگە سۇيەنە وتىرىپ، وسى كەسەپاتتى جايتتىڭ الدىن الۋعا باتىل قادام جاسايدى دەگەن ويدامىز.

Abai.kz