سەنبى, 24 اقپان 2024
قوعام 2738 3 پىكىر 26 شىلدە, 2023 ساعات 14:42

پرەزيدەنت توقاەۆ قۇران ورتەۋ اكتسياسىن ايىپتادى

توقاەۆ ەۋروپا ەلدەرىندەگى قۇران ورتەۋ ارەكەتتەرىن ايىپتادى. بۇل تۋرالى اقوردا جازدى.

پرەزيدەنت قاسىم-جومارت توقاەۆ سولتۇستىك ەۋروپانىڭ بىرقاتار مەملەكەتىندە بولعان قۇراندى ورتەۋ اكتىلەرىن قازىرگى الەمدەگى جاعدايدى شيەلەنىستىرۋگە، حالىقتار مەن مەملەكەتتەر اراسىنداعى سەنىمگە نۇقسان كەلتىرۋگە باعىتتالعان ارانداتۋشىلىق ارەكەت دەپ سانايدى.

قازاقستان – الەمدىك جانە ءداستۇرلى دىندەر كوشباسشىلارىنىڭ سەزدەرىن وتكىزۋگە باستاماشى بولعان مەملەكەت. بۇل فورۋم ءداستۇرلى دىندەر مەن كونفەسسيالاردىڭ كورنەكتى وكىلدەرى اراسىنداعى ءتيىمدى ءارى تابىستى ديالوگ الاڭىنا اينالدى.

پرەزيدەنتتىڭ پىكىرىنشە، جيىلەپ كەتكەن ءدىني ۆانداليزم مەن اتالعان ەلدەر ازاماتتارىنىڭ جاۋاپسىز ارەكەتى مەملەكەتتەر مەن دىندەردىڭ بەيبىت قاتار ءومىر سۇرۋىنە كەرى اسەرىن تيگىزەدى. بۇل جالپىعا ورتاق نورمالارعا قايشى كەلەتىن اكتسيالار رەتىندە ءبىراۋىزدان ايىپتالۋعا ءتيىس.

بۇۇ باس اسسامبلەياسى دا بۇل ماسەلەگە قاتىستى ءوز ۇستانىمىن ءبىلدىرۋى كەرەك.

ايتا كەتەيىك، بۇگىن بۇۇ باس اسسامبلەياسىنىڭ قاسيەتتى كىتاپتاردى قورلاۋ جونىندەگى كەز-كەلگەن اكتىلەردى ايىپتايتىن جانە مۇنداي ارەكەتتەردى حالىقارالىق قۇقىق نورمالارىن بۇزۋ دەپ تانيتىن قاۋلى قابىلداعانى بەلگىلى بولدى.

Ulys.media-نىڭ جازۋىنشا، ماروككو باستاماشى بولعان قۇجاتتى بۇۇ باس اسسامبلەياسى ءبىراۋىزدان قابىلدادى. قاۋلىدا اتاپ ايتقاندا، «ادامدارعا قاتىستى بارلىق زورلىق-زومبىلىق اكتىلەرى ءدىني كوزقاراستارى نەمەسە سەنىمدەرى نەگىزىندە، سونداي-اق ولاردىڭ ءدىني رامىزدەرىنە، قاسيەتتى كىتاپتارىنا، ۇيلەرىنە، كاسىپورىندارىنا، مۇلكىنە، مەكتەپتەرىنە، مادەني ورتالىقتارىنا نەمەسە عيبادات ەتۋ ورىندارىنا قارسى باعىتتالعان كەز كەلگەن ارەكەتتەرى، سونداي-اق ءدىني ورىندارعا جاسالعان بارلىق شابۋىل» قاتاڭ تۇردە ايىپتالادى.

قۇجات اۆتورلارى مۇسىلمانداردىڭ قاسيەتتى كىتابى – قۇرانعا قارسى ارانداتۋشىلىقتى ايىپتاۋعا شاقىرىپ، ولاردى «ءدىني وشپەندىلىك اكتىلەرى» دەپ سيپاتتادى.

ەۋروپا ەلدەرىندە ءدىني كىتاپتى ورتەۋ اكتسيالارى جيىلەگەن. 28 ماۋسىمدا شۆەتسيا پوليتسياسى ۇلكەن مەشىت الدىندا قۇران ورتەۋ ارەكەتىنە رۇقسات بەردى. بۇعان نارازى بولعان مۇسىلماندار يراكتاعى شۆەتسيا ەلشىلىگى عياماراتىن ورتەپ جىبەردى. كەيىن كوپەنگاگەندە يراكتىڭ دانياداعى ەلشىلىگى عيماراتىنىڭ الدىندا دا قۇران كىتابىن ورتەۋ اكتسياسى وتكەن بولاتىن.

Abai.kz

3 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1557
ءالىپبي

لاتىن جايى

بيجومارت قاپالبەك 1626