كەيدە  الەۋمەتتىك جەلىلەر قوعامداعى تۇيتكىلدى پروبلەمالاردى كوتەرىپ، ساياسي ۇيىقداعى قازاق قوعامىن ءتۇرتكىلەپ وياتاتىنى بار.

وسى جولى قازاق ءتىلدى الەمجەلىنى ريشات اسقاربەكۇلىنىڭ 1948 جىلى تاجىك كسر گيسسار قالاسىندا اسكەري وتباسىندا ومىرگە كەلىپ، قازاق جەرىندە ەكى بىردەي جوو ديپلومىن قالتاسىنا باسقان (پوليتەح پەن قازاق دەنەتاربيەسى ينسيتۋتتارى), ءارى بىزدەگى ي.س. كونەۆ اتىنداعى الماتى جوعارى جالپىاسكەرلىك كوماندالىق ۋچيليششەنى تامامداپ، تاعدىرىن الاش جۇرتىمەن بايلانىستىرعان «گەنەرال پاۆەل نوۆيكوۆتىڭ الماراسان جاقتا 1 مىڭ گەكتارعا جۋىق جەرى بار دەگەنى راس. جەكەشەلەندىرىپ العانى دا شىن. ءبىر وقيعا ەسىمە ءتۇستى. ول دوستىق داڭعىلى بويىندا قورعانىس مينيسترلىگىنە قاراستى تسسكا (ارميا ورتالىق سپورت كلۋبىن) باسقارعان جىلدارى سروچنيك سولداتتاردى اپارىپ، قۇل جاساعانىنا كۋا بولعانمىن. الماراسان شاتقالىندا اتقورادا جىلقى ۇستاپ، ولاردى قاتارداعى جاۋىنگەرلەرگە باقتىرىپ، استىنداعى قيىن تازالاتادى ەكەن»، - دەگەن ءۋاجدى پىكىرى ەشكىمدى بەيجاي قالدىرمايدى.

ءيا، بولاشاق گەنارال ءوز اسكەري مانسابىن 1972 جىلى كسرو قارۋلى كۇشتەرىنىڭ 42-ءشى سپوت روتاسىندا جاتتىقتىرۋشى-نۇسقاۋشى بولىپ باستاپ، قىزمەت بابىنداعى تاسى ورگە دومالاپ، 1987 جىلى ورتا ازيا اسكەري وكرۋگىنىڭ ارميالىق سپورت كلۋبىن باسقاردى. قازاقستان ءتوز تاۋەلسىزدىگىن العان شاقتا پاۆەل نوۆيكوۆ قازاقستان قورعانىس مينيستەرلىگىنىڭ تسسكا تىزگىنىن قولعا الدى.

كسرو سپورت شەبەرى قازاقستان، قىرعىزستان جانە تاجىكستاننىڭ ەڭبەك سىڭىرگەن جاتتىقتىرۋشىسى گەنەرال پاۆەل نوۆيكوۆ 1993-2015 جىلدار ارالىعىندا ۇلتتىق وليمپيادا كوميتەتىنىڭ (قر ۇوك), ۆيتسە-پرەزيدەنتى بولدى. بۇل ءتىزىمدى ول اتقارعان قىزمەت تۇرلەرىمەن جانە قازاق بيلىگى تاراپىنان العان ءتۇرلى ماراپالارىمەن سوزا بەرۋگە دە بولادى. بىراق ول بىزگە قاجەت ەمەس.

ريشات اسقاربەكۇلى «يۋسا-الماتى» تەلەارناسىنىڭ ءتىلشىسى رەتىندە اتا-انالار شاعىمىمەن بارىپ، رەپورتاج جاساپ، قازاق قوعامىن ءبىر شۋلاتقانى وسى ورايدا ەسىمىزگە ءتۇستى.

اۆتور ءوز ويىن: «بەلشەدەن بوق كەشكەن 10-15 قازاق بالاسى اي سايىن اۋىسىپ مال باعاتىنىن انىقتادىق. ەرتەسى كانالدىڭ باس ديرەكتورى يسااك دۆوركينگە نوۆيكوۆتىڭ ءوزى حابارلاسىپ، ءبارىمىزدىڭ اكەمىزدى تانىتقان. بايزاك اسىلبەكوۆ كۋا. اعامىز ورىس رەداكتسياسىندا جۇمىس ىستەيتىن.

سول جىلدارى سول كونيۋشنياسىنان كەلە جاتقان ءبىر توپ سولدات گاز-66 اۆتوكولىگىمەن اپاتقا ۇشىراپ، جاۋىنگەر قايتىس بولدى. بۇل 2003-2004 جىلدارى قاتەلەسپەسەم. ول كەزدە ءا/ج دامىماعان. قازىر بولسا شۋلار ەدى. سول كۇيى ءىس جابىلىپ قالدى. باكىتجان بازاربەكتىڭ كوتەرىپ وتىرعان ماسەلەسى ورىندى. نازارباەۆپەن تەننيس ويناپ، ابدەن سەنىمىنە كىرگەن، كەيىن لاۋازىمدى قىزمەتتەردە بولعان بۇل جەمىردەن جەردى قايتارىپ الۋ تۋرالى باستامانى قولدايمىز!» دەپ اياقتايدى.

سوندا تاجىكستاننان قاڭعىپ كەلىپ، قازاق جەرىندە قازاق ساربازىن قۇلدانعان جاندى ودان ءارى ماڭدايىنان سىيپاي بەرەمىز بە؟ دەگەن ساۋال كوكىرەكتى تىرنايدى!

ءابىل-سەرىك الىاكبار

Abai.kz