جەڭىمپازدى قر اقپارات جانە قوعامدىق دامۋ ءمينيسترى دارحان قىدىرالى ماراپاتتادى. 

ەلوردادا شاعىن فۋتبولدان باق وكىلدەرى اراسىنداعى BAQ liga چەمپيوناتىنىڭ حIII ماۋسىمى مارەگە جەتتى. ەكى ايدان استام ۋاقىتقا سوزىلعان بىرىنشىلىككە 13 كوماندا قاتىستى. ۆ ليگاسىندا دەبيۋتانت بولسا دا Qaz365.kz اقپاراتتىق پورتالىنىڭ كومانداسى توپ جاردى.

كوماندا جىگىتتەرى چەمپيوندىق اتاققا ءبىر تۋر قالعاندا قول جەتكىزدى. جەڭىمپازدى قر اقپارات جانە قوعامدىق دامۋ ءمينيسترى دارحان قىدىرالى ماراپاتتادى.

Qaz365.kz كومانداسى 12 ماتچتا 29 ۇپاي جينادى. قارسىلاس قاقپاسىنا 60 گول سوعىپ، وزدەرى 30 دوپ جىبەردى. ۇزدىك سۇرمەرگەندەر نوميناتسياسىندا Qaz365.kz كومانداسىنىڭ ەكى بىردەي ويىنشىسى ۇزدىك سۇرمەرگەن اتاندى. اتاپ ايتساق، داستان زامانبەكوۆ پەن ەسەنبول يمانعازى 22 گولدان سوقتى. سونداي-اق داستان زامانبەكوۆ ليگانىڭ ۇزدىك ويىنشىسى اتاندى.

ەكىنشى ورىن قانات بازىلحان باستاعان «حابار-24» ۇجىمىنا بۇيىرسا، ۇزدىك ۇشتىكتى Monkey Media.kz تۇيىندەدى.

ا ليگاسىندا «قازمەديا» ۇزدىك شىقسا، ەكىنشى ورىن اقپارات جانە قوعامدىق دامۋ مينيسترلىگىنىڭ ۇجىمىنا بۇيىرسا، ۇشتىكتە Meta-ratings.kz بار.

Abai.kz