توقاەۆ سۋ كودەكسىن ۋاقتىلى قابىلداۋدى تاپسىردى
مەملەكەت باسشىسى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆتى قابىلدادى
كەزدەسۋ بارىسىندا پرەزيدەنت سۋ رەسۋرستارىن باسقارۋ ماسەلەلەرى بويىنشا ورتالىق ازيا ەلدەرىمەن ءوزارا ءىس-ارەكەتتى جولعا قويۋ ماڭىزدى ەكەنىن اتاپ ءوتتى.
مينيسترلىككە سۋ شارۋاشىلىعى ينفراقۇرىلىمدارىن كەڭ كولەمدە جاڭعىرتۋ، سۋدى ەسەپتەۋ جانە ءبولۋ جۇيەسىن تسيفرلاندىرۋ مىندەتى جۇكتەلدى.
مەملەكەت باسشىسى سۋ رەسۋرستارىن ءتيىمسىز پايدالانۋعا جانە گيدروتەحنيكالىق نىسانداردىڭ ابدەن توزۋىنا قاتىستى ماسەلەلەردى شەشۋ ءۇشىن جاڭا سۋ كودەكسىن ۋاقتىلى قابىلداۋ قاجەتتىگىن ايتتى.
قاسىم-جومارت توقاەۆ ۇلتتىق گيدروگەولوگيالىق قىزمەتتى قايتا قۇرۋ جانە مينيسترلىككە قاراستى ۇيىمداردى ترانسفورماتسيالاۋ جۇمىستارىن اياقتاۋدى تاپسىردى.
Abai.kz
