قورعاۋشى سوتقا ارىزدانعانىن جانبولات مامايدىڭ ايەلى ينگا يمانباي فەيسبۋكتە جازدى.
ادۆوكات ەرنار كەنجەباەۆتىڭ پىكىرىنشە، جانبولات مامايدىڭ ءوزىن قورعاۋ قۇقىعى بۇزىلعان، سەبەبى پروكۋرور اۋەلى وعان ورتاشا اۋىر باپ نەگىزىندە ايىپ تاعىپ، كەيىن سوت كەزىندە ونى اۋىر باپقا اۋىستىرعان، سوعان بايلانىستى سوتتالۋشىنىڭ ءوزىن قورعاۋ قۇقىعى بۇزىلعان.
10 ساۋىردە جانبولات ماماي التى جىل شارتتى جازا الدى. وعان پروباتسيالىق باقىلاۋ ورناتىلدى. بەلسەندىنى 2022 جىلعى قاڭتار وقيعاسى كەزىندە «جاپپاي تارتىپسىزدىكتى ۇيىمداستىردى» دەپ ايىپتادى. بۇعان قوسا سوت وعان قوعامدىق-ساياسي قىزمەتپەن، جۋرناليستيكامەن اينالىسۋعا، قوعامدىق بىرلەستىكتەر جۇمىسىنا قاتىسۋعا التى جىلعا تىيىم سالدى.
سوت ۇكىمىمەن كەلىسپەگەن ماماي اپەللياتسيالىق شاعىم ءتۇسىردى. الايدا ماۋسىم ايىنىڭ اياعىندا سوت العاشقى ينستانتسيا شىعارعان ۇكىمدى وزگەرتپەدى.
حالىقارالىق ادام قۇقىقتارىن قورعاۋشى ۇيىمداردىڭ بىرقاتارى استانانى بەلسەندىگە تاعىلعان ايىپتاردان باس تارتىپ، سوت شەشىمىن وزگەرتۋگە شاقىرعان.
