جەكسەنبى, 14 شىلدە 2024
قاراباق سوعىسى: 2573 2 پىكىر 20 قىركۇيەك, 2023 ساعات 14:45

كاپيتۋلياتسيا: ارمياندار جەڭىلدى. ازەربايجان جەڭدى!

تۇركى الەمىندەگى «تىنىش جاتقان جىلاننىڭ» ءبىرى – تاۋلى قاراباق. 19-شى قىركۇيەكتە ازەبايجان ءۇي ىشىنەن ءۇي تىككەن «ارتساح مويىندالماعان مەملەكەتى» اۋماعىندا ءوزىنىڭ انتيتەررولىق وپەراتسياسىن باستاعانىن كەشە جازدىق.

بۇعان دەيىن ارتساح دەسە جانىن بەرگەن ارمەنيا بۇل جولى ءۇنسىز قالدى دەسەك تە، وسى ەلدىڭ اسىرەۇلتشىل توپتارى ۇيىمداستىرعان شەرۋلەر بۇكىل ارمانيانى جايلاپ، جينالعان جۇرت ءتۇنى بويى «پاشينيان دوعارعىسقا كەت» دەپ ايقايلاپ، قول جيىپ، ازەربايجان جەرىندەگى جىكشىل ارميان ديساپوراسىنا كومەكتەسۋگە شاقىردى.

ازەربايجاننىڭ وسى انتيتەررولىق وپەراتسياسىن باستاۋىنا ەكى جاعداي تۇرتكى بولدى: ءبىرىنشىسى: قاراباق سەپاراتيستەرىنىڭ 9 قىركۇيەكتەگى زاڭسىز سايلاۋ وتكىزۋى; ەكىنشىسى: كۇنى كەشە ازەربايجاننىڭ حوجابەند ايماعىندا بولعان جارىلىستان بەيبىت تۇرعىنداردىڭ قازا تابۋى. شىدامنىڭ دا شەگى بار دەگەن، ازەبايجان جاعى تاۋلى قاراباق تۇرعىندارىندارىنا ۇنەمى ەكونوميكالىق جەڭىلدىكتەر جاساپ، بۇرىنعى دۇردىرازدىقتىڭ ءبارىن ەستەن ءبىرجولا شىعارىپ، تەك ءبىر مەملەكەت اياسىندا تاتۋ-ءتاتتى ءومىر سۇرۋگە شاقىرۋمەن كەلەدى. وسى ايماقتاعى قارۋلى توپ ازەبايجاننىڭ بۇل ۇسىنىسىن ۇنەمى اياق استى ەتىپ، بۇۇ جارعىسى مەن قۇقىقتارىنا ءام پرينتسيپتەرىنە ءبىر تۇكىرىپ، ويلارىنا كەلگەنىن ىستەۋدەن جالىققان ەمەس.

بۇۇ قاۋىپسىزدىك كەڭەسىنىڭ تاۋلى قاراباقتاعى جاعدايعا بايلانىستى وتىرىسى 21 قىركۇيەككە جوسپارلانىپ وتىر. ارميان دياسپوراسىنىڭ قىسىمىمەن فرانتسيا قاۋىپسىزدىك كەڭەسىنىڭ شۇعىل شاقىرۋدى تالاپ ەتتى. وسى ۇلت وكىلدەرىنىڭ مىسى باسىم اقش-تا وسىنداي قادامعا باردى.

اقش مەملەكەت حاتشىسى ەنتوني بلينكەن باقىعا تاۋلى قاراباقتاعى اسكەري ءىس-قيمالدى دەرەۋ توقتاۋدى تالاپ ەتتى. اقش رەسمي ارمانيانى قولداعاننان كەيىن، وسىعان ارقالانعان نيكول پاشينيان: «ازەربايجان جاعى باستاعان «انتيتەرروريستىك وپەراتسيا» باستى ماقساتى ارمەنيانى سوعىسقا تارتۋ بولىپ تابىلادى»، - دەپ مالىمدەمە جاسادى.

تۇندە ەرەۆانداعى رەسەي ەلشىلىگىن شەرۋگە شىعۋشىلار قورشاپ الدى. رەسەي جاعى ديپلوماتيالىق قارىم-قاتىناستاعى ۆەنا كونۆەنتسياسىن ساقتاۋعا بايلانىستى ارمەنياعا نوتا جولدادى. وسىلايشا ۋكراينا باتپاعىندا قايرانداپ قالعان رەسەيدەن قولداۋ كۇتۋشىلەردىڭ جىگەرى قۇم بولدى.

رەسمي باقى وزدەرىنىڭ ازەربايجان جەرىندە ۋاقىتشا تۇراقتاعان رەسەيدىڭ بىتىمگەرلەرىمەن بىرەسە قيمىلداپ جاتقاندارىن ايتتى. رەسەيدىڭ بىتىمگەرلەرى 469 (ونىڭ ىشىندە 185 بالانى) جەرگىلىكتى تۇرعىندى باسقا جەرگە قونىستاندىرىپ، مەديتسينالىق كومەك كورسەتۋدە. ازەربايجان جاعى قاراباقتاعى ارمەنيا اسكەريلەرىنە تەز ارادا قارۋلارىن تاستاپ، تۇتقىنعا بەرىلۋگە شاقىرعاندارىن مالىمدەدى. ەگەر ولار قارۋىن تاستاپ بەرىلەر بولسا، «انتيتەرروريستىك ءىس-شارا» دەرەۋ توقتايدى دەپ ماسەلەنىڭ باسىن بىردەن اشىپ ايتتى.

ازەربايجان قورعانىس مينيسترلىگى ءباسپاسوز حاتشىسى انار ەيۆازوۆ 19 كۇركەيەك كۇنى كەشكە قاراي تاۋلى قاراباقتاعى ارميان كۇشتەرىنىڭ 60-تان اسا اكەري پوزيتسياسى ءوز قولدارىنا ءوتىپ، 20 اسكەري ماشين، 40 ارتيللەريالىق قوندىرعى، 30 مينومەت، ەكى زەنيتتىك-زىمىراندىق كەشەن،  التى راديوەلەكتروندى اسكەري بەكەت، «مورتير» جانە باسقادا ارميان ارمياسىنا تيسەلى تەحنيكانى ءوز قاراۋىنا العانىندىعىن مالىمدەدى.

تەك اقش پەن فرانتسيا عانا جىكشىلدەردىڭ قولداۋشىسى بولعانى ەش تاڭ قالدىرمايدى. سەبەبى بۇل ەلدەردەگى ارمياندار مايلى جىلىكتىڭ باسىن ۇستاپ وتىر.

ماڭىزدى: بۇگىن قاراباقتاعى ارميان سەپاراتيستەرى جەڭىلگەنىن مويىنداپ، قارۋ-جاراق، تەحنيكالارىن ازەربايجانعا تاپسىراتىنىن مالىمدەدى. ياعني، كاپيتۋلياتسيا جاسادى. سونىمەن سوعىس اياقتالدى. جەڭىمپاز - ازەربايجان!

Abai.kz

2 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1193
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1863
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1911