مەكەمە مالىمەتىنشە، بىشكەكتەگى جارمەڭكەدە جەرگىلىكتى ۇننىڭ جوعارعى سورتتى ءبىر قابى 1 860 سوم، ءبىرىنشى سورتى 1500 سوم، ەكىنشى سورتى 1125 سوم تۇرادى. جارمەڭكە استاناداعى ەڭ ءىرى ءتورت بازاردا ۇيىمداستىرىلدى.

مينيسترلىك وكىلىنىڭ ايتىنشا، قىرعىزستاندا ۇن جەتكىلىكتى، سول سەبەپتى الاڭداۋعا نەگىز جوق.

مالىمەتتەرگە قاراعاندا، قازاقستاندىق ۇن قىمباتتاپ كەتكەن سوڭ، تۇتىنۋشىلار وتاندىق وندىرۋشىلەردىڭ ۇنىن كوبىرەك الا باستاعان. «ويتكەنى ىشكى نارىقتا ساتىلعان ۇننىڭ ەلۋ پايىزى قازاقستاندىق بولعان. قازىر كاسىپكەرلەر وتاندىق ءونىمدى كوبەيتۋگە كۇش سالىپ جاتىر» دەپ حابارلادى مينيسترلىك.

كەيىنگى اپتالاردا قىرعىزستاندا قازاقستاندا وندىرىلگەن ۇن اجەپتاۋىر قىمباتتادى. ۇكىمەت مۇنىڭ سەبەبىن كۇز ماۋسىمىندا تاۋاردى تەمىرجولمەن جەتكىزۋ قيىنداعانىمەن ءتۇسىندىردى.

ۇلتتىق ستاتيستيكا كوميتەتىنىڭ مالىمەتىنشە، قىركۇيەكتىڭ باسىندا ءبىرىنشى سورتتاعى ۇننىڭ ءبىر كەلىسىنىڭ ورتاشا باعاسى 51,02 سوم بولعان.

قىرعىزستان ۇن مەن استىق يمپورتىنا تاۋەلدى. 2023 جىلدىڭ جەتى ايىندا قازاقستاننان 16 197 توننا ازىق-تۇلىك جەتكىزىلدى. بۇل – يمپورتتىڭ 88 پايىزى. وسى ۋاقىت ارالىعىندا قىرعىزستان 181 210 توننا استىق يمپورتتاسا، سونىڭ 97 پايىزىن رەسەيدەن العان.