اۋعانستانداعى قۇتقارۋشىلار ەلگە ورالدى
جەر سىلكىنىسىنەن زارداپ شەككەن اۋعان حالقىنا كومەكتەسۋ ءۇشىن اتتانعان قازاقستان توتەنشە جاعدايلار مينيسترلىگىنىڭ كۇشتەرى مەن قۇرالدارى ەلگە ورالدى.
گۋمانيتارلىق ميسسيانى ورىنداۋ ءۇشىن جالپى 45 ادام، ونىڭ ىشىندە تجم رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى، كينولوگيالىق ەسەپتوپتار، اپاتتار مەديتسيناسى ورتالىعىنىڭ دارىگەرلەرى مەن فەلدشەرلەرى جىبەرىلگەن بولاتىن.
تجم مالىمەتىنە سۇيەنسەك، ازاماتتىق قورعانىس جانە اسكەري بولىمدەرى كوميتەتى توراعاسىنىڭ مىندەتىن اتقارۋشى، گەنەرال-مايور ۇلاربەك ابىكەەۆتىڭ باسشىلىعىمەن قازاقستاندىق قۇتقارۋشىلار جاساعى قويىلعان مىندەتتەردى ابىرويمەن ورىندادى.
فوتو: اشىق دەرەككوزدەن
Abai.kz
