فرانتسيا سيريا پرەزيدەنتى باشار اسادتى قاماۋعا الۋ جونىندە وردەر شىعاردى. اساد جانە تاعى ءۇش سەرىكتەسىنە حالىققا قارسى تىيىم سالىنعان حيميالىق قارۋ قولداندى دەگەن ايىپ تاعىلدى.

بۇل تۋرالى Civil Rights Defenders قۇقىق قورعاۋ ۇيىمى مالىمدەدى.

مۇنىڭ الدىندا 2013 جىلى شىعىس گۋتا اۋدانىنا جانە دۋما قالاسىندا حيميالىق قارۋ قولدانىلدى دەگەن ەكى وقيعا زەرتتەلگەن. سول كەزدە كەمىندە 3 مىڭنان استام ادام قازا بولعان.

فرانتسياداعى زەرتتەۋ 2021 جىلدىڭ ناۋرىزىندا، شابۋىلدان ءتىرى قالعانداردىڭ ارىزىنان كەيىن باستالعان. قۇقىق قورعاۋشىلاردىڭ سوزىنشە، ءبىر ەلدىڭ باسشىسىن قاماۋعا الۋ جونىندەگى بۇيرىقتى وزگە ەلدىڭ باسشىسى العاش رەت شىعارىپ وتىر.

2013 جىلى سيريا حيميالىق قارۋعا تىيىم سالۋ ۇيىمىنا قوسىلعان. ۇيىم داماسكىنى ازاماتتىق سوعىستا حيميالىق قارۋ پايدالاندى دەپ بىرنەشە رەت ايىپتاعان. سيريا بيلىگى بولسا، بۇل ايىپتاردى تەرىسكە شىعارىپ كەلگەن.

Abai.kz