جۇما, 23 اقپان 2024
794 1 پىكىر 22 قاراشا, 2023 ساعات 16:43

وتباسى بانكى ۇلتتىق دامۋ ينستيتۋتى بولىپ قايتا قۇرىلماق

«وتباسى بانكىنە» وعان ازاماتتاردى ەسەپكە قويۋ مەن تۇرعىن ءۇي ءبولۋ جونىندەگى جەرگىلىكتى اتقارۋشى ورگانداردىڭ فۋنكتسيالارى بەرىلەدى. بۇل تۋرالى ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي ساياساتىن رەفورمالاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلاۋ كەزىندە ونەركاسىپ جانە قۇرىلىس ءمينيسترى قانات شارلاپاەۆ ايتتى.

«قازىر قولدانىستاعى زاڭناما بويىنشا جەرگىلىكتى اتقارۋشى ورگاندار تۇرعىن ۇيگە ەسەپكە قويۋ جانە ونى جۇرگىزۋ، سونداي-اق تۇرعىن ءۇيدى ءبولۋ ءارى بەرۋ بويىنشا فۋنكتسيالاردى جۇزەگە اسىرادى. زاڭ جوباسى اياسىندا بۇل فۋنكتسيالاردى وتباسى بانكىنە بەرۋ ۇسىنىلعان. بۇل رەتتە ازاماتتاردى تۇرعىن ۇيمەن قامتاماسىز ەتۋ جەرگىلىكتى اتقارۋشى ورگانداردىڭ قۇزىرەتىندە قالادى. ونى تۇرعىن ءۇي سالۋ جانە ساتىپ الۋ ارقىلى ىسكە اسىراتىن بولادى. وسىعان بايلانىستى وتباسى بانكىن ۇلتتىق دامۋ ينستيتۋتىنا اينالدىرۋ كوزدەلىپ وتىر»، - دەدى ونەركاسىپ جانە قۇرىلىس ءمينيسترى قانات شارلاپاەۆ.

ونىڭ ايتۋىنشا، «وتباسى بانك» بەرىلەتىن فۋنكتسيالاردى ورتالىقتاندىرىلعان تۇردە جۇزەگە اسىرادى.

Abai.kz

1 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1542
ءالىپبي

لاتىن جايى

بيجومارت قاپالبەك 1604