يران پرەزيدەنتى ەبراحيم رايسي رەسمي ساپارمەن ماسكەۋگە باردى. بۇل تۋرالى رەسەيدەگى يسلام مەملەكەتىنىڭ ەلشىسى كازەم دجالالي ءمالىم ەتتى. 

«يران پرەزيدەنتى ەبراحيم رايسي ماسكەۋگە رف باسشىسى ۆلاديمير پۋتينمەن كەزدەسۋگە كەلدى»، - دەلىنگەن ەلشىنىڭ ح الەۋمەتتىك جەلىسىندەگى جازباسىندا.

رەسەيدەگى يسلام رەسپۋبليكاسىنىڭ ەلشىسى كازەم دجالالي اتاپ وتكەندەي، وقيعالار قارقىنمەن وزگەرىپ جاتقان قازىرگى جاعدايدا يران باسشىسىنىڭ ساپارى جانە تەگەران مەن ماسكەۋدىڭ ءوزارا ارەكەتتەستىگى «جاڭا الەمدىك ءتارتىپتى قالىپتاستىرۋعا ماڭىزدى ۇلەس قوسىپ وتىر».

سارسەنبى كۇنى كرەملدىڭ ءباسپاسوز قىزمەتى ءمالىم ەتكەندەي، پۋتين مەن ءرايسيدىڭ كەلىسسوزى بارىسىندا ساۋدا-ەكونوميكالىق ىقپالداستىق، سونىڭ ىشىندە كولىك جانە ەنەرگەتيكا ماسەلەلەرى تالقىلانادى، سونداي-اق نەگىزگى حالىقارالىق جانە وڭىرلىك تاقىرىپتارعا قاتىستى پىكىر الماسۋ بولادى.

فوتو: عالامتوردان

Abai.kz