دەۆيد و’سالليۆان 29-30 قاراشا ارالىعىندا وزبەكستاندا بولدى. ەۋروپالىق ديپلومات كەيىنگى سەگىز ايدا ورتالىق ازياعا وسىمەن ەكىنشى مارتە كەلىپ وتىر. بۇل ايماقتا ول ساۋىردە دە بولعان.

كەيىنگى جىلدارى ەو-نىڭ ورتالىق ازياعا ەكسپورتى ەداۋىر ۇلعايعانى بايقالادى. بۇل ۋاقىتتا ايماق ەلدەرىنىڭ رەسەيگە ءونىم جەتىزۋ كورسەتكىشى دە ارتا تۇسكەن.

«بۇعان دەيىن رەسەيمەن جاسالعان ساۋدانىڭ باعىتى وزگەرگەنىن كورىپ وتىرمىز. ەندى ول قازاقستان، وزبەكستان، ارمەنيا، سەربيا، تۇركيا، ءباا ەلدەرىنە قاراي كەتىپ جاتىر. تاۋارلاردىڭ كەيبىر ءتۇرى وسى ەلدەر ارقىلى رەسەيگە ءوتىپ جاتقانى ءبىزدى تولعاندىرادى» دەيدى دەۆيد و’سالليۆان.

بريۋسسەل مۇنداي جاعداي كرەملگە سانكتسيالاردى اينالىپ وتۋگە كومەكتەسەدى دەپ الاڭدايدى. دەگەنمەن ەو تاشكەنتكە ماسكەۋمەن ساۋدا-ەكونوميكا قارىم-قاتىناسىن قىسقارتۋدى تالاپ ەتپەيدى.

بيىل 14-15 جەلتوقسان ارالىعىندا وتەتىن سامميتتە بريۋسسەل رەسەيگە قاتىستى جاڭا سانكتسيالاردى ماقۇلداۋى مۇمكىن. قۇجات جوباسىندا سانكتسياعا ىلىككەندەر اراسىندا وزبەكستاننىڭ تاعى ءبىر كومپانياسى – Mvizion بار.

فوتو: عالامتوردان

Abai.kz