ارمەنيا مەن ءازىربايجان شەكاراسىنداعى گازاح اۋدانىندا ەكى ەل وكىلدەرى اسكەر الماستى. بۇنى ءازىربايجاننىڭ اسكەري تۇقىندار، كەپىلگە الىنعاندار مەن ءىز-ءتۇزسىز جوعالعاندار جونىندەگى مەملەكەتتىك كوميسسياسى راستاعان.  

ەكىجاقتى كەلىسىم اياسىندا ءازىربايجان تۇتقىندالعان 32 ارميان ساربازىن بوساتتى. ولاردىڭ 26-سى 2020 جىلدىڭ جەلتوقسانىندا گادرۋت اۋدانىندا ۇستالعان بولاتىن، قالعان 6-ۋى شەكارادا ءارتۇرلى ۋاقىتتا قولعا تۇسكەن.

ارمەنيا تاراپى ەكى ازىربايجاندىق سارباز گۋسەين احۋندوۆ پەن اگشين بابيروۆتى بوساتتى.

ازىربايجاندىق باق وكىلدەرىنىڭ حابارلاۋىنشا، تۇتقىن الماسۋ ەشقانداي توسىن اوەكەتسىز ءوتتى جانە ەكى تاراپ تا قاجەتتى حاتتاما تالاپتارىن مۇلتىكسىز ورىندادى. حالىقارالىق قىزىل كرەست كوميتەتىنىڭ وكىلدەرى تۇتقىنداعى ساربازداردىڭ دەنساۋلىعى مەن جالپى جاعدايىن باعالادى.

اسكەريى قىزمەتشىلەر اگشين بابيروۆ پەن گۋسەين احۋندوۆ 9 ءساۋىر كۇنى ناحچىۆان اۆتونوميالى رەسپۋبليكاسىندا ارمەنيامەن شارتتى شەكارادا كۇن بۇزىلىپ، اينالاداعى كورىنىستىڭ قيىنداۋىنا بايلانىستى ءىز-ءتۇزسىز جوعالىپ كەتكەن بولاتىن.

8 مامىر كۇنى ارميان سوتى اگشين بابيروۆتى 11 جىل 6 ايعا باس وستاندىعىنان ايىردى. كەيىنىرەك، 21 ماۋسىمدا گۋسەين احۋندوۆ 20 جىعا سوتتالدى، دەپ حابارلادى ازىربايجاندىق media.az پورتالى.

جەلتوقسان ايىنىڭ باسىندا ءازىربايجان پرەزيدەنتىنىڭ اكىمشىلىگى مەن ارمەنيا پرەمەر-ءمينيسترىنىڭ اپپاراتى بىرلەسكەن مالىمدەمە جاسادى.

«گۋمانيزم ۇستانىمدارى نەگىزىندە ءازىربايجان رەسپۋبليكاسى 32 ارميان اسكەري قىزمەتشىسىن ال ارميان رەسپۋبليكاسى ەكى ءازىربايجان ساربازىن بوساتادى»،-دەلىنگەن مالىمدەمەدە.

جالپى العاندا بىرلەسىپ جاسالعان قۇجات نەگىزىندە باكۋ مەن ەرەۆان ءوزارا قارىم-قاتىناستى رەتتەپ، بەيبىت كەلىسىمگە كەلگەندەرىن راستادى.

فوتو: azertag

Abai.kz