ۇكىمەتتە مەملەكەت باسشىسىنىڭ تاپسىرماسىمەن ازىرلەنگەن ايەلدەر قۇقىقتارى مەن بالالاردىڭ قاۋىپسىزدىگىن قامتاماسىز ەتۋ تۋرالى زاڭ جوباسىن تانىستىرۋ اياقتالدى. بۇل تۋرالى بالا قۇقىقتارى جونىندەگى ۋاكىل دينارا زاكيەۆا حابارلادى.

«بالالارعا قاتىستى زورلىق-زومبىلىق ءۇشىن جازانى قاتاڭداتۋ، سونداي-اق وتباسىلار مەن بالالارعا كومەك كورسەتۋ ينفراقۇرىلىمىن قۇرۋ جونىندەگى بارلىق تۇزەتۋلەر ۇكىمەت قورىتىندىسىندا قولداۋ تاپتى. بۇدان ءارى ولار ماجىلىستە تالقىلاناتىن بولادى.

ۇكىمەتتىڭ قورىتىندىسى – زاڭ جوباسىمەن جۇمىس ىستەۋدىڭ ماڭىزدى جانە كوپ ۋاقىت الاتىن بولىكتەرىنىڭ ءبىرى. (وڭ قورىتىندى شىقپاسا، ءىس جۇزىندە نورما قابىلدانبايدى).

سوندىقتان كەيىنگى بىرنەشە اي بويى، دەمالىس كۇندەرىندە دە پا، پرەمەر-مينيستر كەڭسەسى، ادىلەتمينى، بپ، ءىىم، ەڭبەكمينى، ەحاقم-ىندەگى ارىپتەستەرىممەن نورمانى ۇسىنىلعان تۇردە قولداۋ جانە ول قۇقىق قولدانۋدا ءتيىمدى بولۋى ءۇشىن باپتاردىڭ رەداكتسيالارىمەن جۇمىس ىستەدىك.

ماسەلەن، مەن قىركۇيەكتە AMANAT-تىڭ ماجىلىستەگى فراكتسياسىندا جانە بپ-دا تانىستىرعان بالالار قاۋىپسىزدىگى ماسەلەلەرى بويىنشا ەنگىزىلگەن 40-تان استام تۇزەتۋ ۇكىمەتتەن قولداۋ تاپتى، ولار:

- بالالارعا قاتىستى زورلىق-زومبىلىق ءۇشىن تاتۋلاسۋ مۇمكىندىگىن الىپ تاستاۋ جانە جازانى قاتاڭداتۋ: ازاپتاۋ (باپتىڭ جاڭا رەداكتسياسى), قاتىگەزدىك، دەنساۋلىققا اۋىر، ورتاشا زيان كەلتىرۋ، كامەلەتكە تولماعاندى ۇرلاۋ جانە زاڭسىز باس بوستاندىعىنان ايىرۋ ءۇشىن;

- زورلىق-زومبىلىقتى كريميناليزاتسيالاۋ، ياعني بالالارعا قاتىستى ۇرىپ-سوعۋ جانە دەنساۋلىققا جەڭىل زيان كەلتىرۋ ءۇشىن قىلمىستىق جاۋاپكەرشىلىك ەنگىزۋ (زاڭ جوباسى اياسىندا ەرەسەكتەرگە دە قاتىستى);

- بالا زورلاۋ ءۇشىن باس بوستاندىعىنان ءومىر بويىنا ايىرۋ;

- بالاعا جىنىستىق سيپاتتا تيىسۋگە قاتىستى باپ ەنگىزۋ;

- بالاعا قاتىستى زورلىق-زومبىلىققا بايلانىستى قىلمىستار بويىنشا تەرگەۋ ارەكەتتەرى كەزىندە قاماۋدا ۇستاۋ;

- بالالارعا قىزمەت كورسەتەتىن ۇيىمداردى ليتسەنزيالاۋدى ەنگىزۋ ء(مام، لاگەرلەر);

- بالانى اۆتوبۋستان ءماجبۇرلى تۇردە ءتۇسىرىپ تاستاۋ ءۇشىن; بۋللينگ ءۇشىن جاۋاپكەرشىلىك ەنگىزۋ;

پروفيلاكتيكاعا قاتىستى:

- وتباسىلارعا، بالالارعا كومەك كورسەتۋ ينفراقۇرىلىمىن قۇرۋ (وتباسىن قولداۋ ورتالىقتارىن، بالالاردى پسيحولوگيالىق قولداۋ ورتالىقتارىن اشۋ);

- قيىن ومىرلىك جاعدايداعى وتباسىلارعا كومەك كورسەتۋدى ۇيىمداستىرۋ قۇزىرەتىن بەكىتۋ;

- اگرەسسورمەن پسيحولوگيالىق جۇمىس (قك-كە ەرەكشە تالاپتار ينستيتۋتىن ەنگىزۋ اياسىندا);

- زورلىق-زومبىلىققا، بۋللينگكە ۇشىراعان بالالارعا كومەك كورسەتۋ باعدارلامالارىن ازىرلەۋ قۇزىرەتىن ەنگىزۋ.

زاڭ جوباسى، اسىرەسە ايەلدەر قۇقىعىن قامتاماسىز ەتۋگە بايلانىستى ماڭىزدى تولىقتىرۋلارمەن بىرگە AMANAT فراكتسياسىنىڭ دەپۋتاتتارى ايماعامبەتوۆ ا.ق.، بەيسەنباەۆ ە.س. باستامالارى اياسىندا قازان ايىندا ۇكىمەتتىڭ قورىتىندىسىنا باعىتتالعان ەدى.

ۇكىمەت قورىتىندىسى بويىنشا بىرلەسكەن جۇمىس ءۇشىن ۇكىمەت باسشىلىعى، باس پروكۋراتۋرا، ءىىم، مەملەكەتتىك ورگاندارعا، ادام قۇقىقتارى جونىندەگى ۋاكىل ا.ە. لاستاەۆ، جانىسوۆا م.ك.، پروفەسسورلار ي.ش. بورچيشۆيلي مەن م.ش. قوعاموۆ، جاننا احمەتوۆا، اننا مەن ولگا رىلدارعا، سونداي-اق ءار تۇزەتۋدى ءتىپتى دەمالىس كۇندەرى مەن كەيدە تۇنگى ۋاقىتتا دا تالقىلاپ، كۇن سايىن جۇمىس ىستەگەن مەملەكەتتىك ورگانداردىڭ قىزمەتكەرلەرى فاينا يبراگيموۆا، بەكبولات ءبىرنازاروۆ، جۇلدىز بايماشەۆا، يۋليا وۆەچكينا، رينات زۋلحايروۆقا العىس ايتامىن»،-دەدى دينارا زاكيەۆا Facebook-تاعى جازباسىندا.

فوتو: دينارا زاكيەۆانىڭ Facebook پاراقشاسىنان

Abai.kz