الماتىدا ەۋرازيالىق ەكونوميكالىق وداققا (ەاەو) مۇشە ەلدەردىڭ ۇكىمەت باسشىلارى حالىقارالىق فورۋمعا جينالدى.

وتىرىسقا ەۋرازيالىق ەكونوميكالىق وداق ەلدەرى ۇكىمەتتەرىنىڭ باسشىلارى – ەۋرازيالىق ۇكىمەتارالىق كەڭەستىڭ مۇشەلەرى ارمەنيا رەسپۋبليكاسىنىڭ پرەمەر-ءمينيسترى نيكول پاشينيان، بەلارۋس رەسپۋبليكاسىنىڭ پرەمەر-ءمينيسترى رومان گولوۆچەنكو، قازاقستان رەسپۋبليكاسىنىڭ پرەمەر-ءمينيسترى ءاليحان سمايىلوۆ، قىرعىزستان مينيسترلەر كابينەتى توراعاسىنىڭ ءبىرىنشى ورىنباسارى ادىلبەك قاسىماليەۆ، رەسەي فەدەراتسياسى ۇكىمەتىنىڭ توراعاسى ميحايل ميشۋستين، وزبەكستاننىڭ ۇكىمەت باسشىسى ابدۋللا اريپوۆ، سونداي-اق ەۋرازيالىق ەكونوميكالىق كوميسسيا القاسىنىڭ توراعاسى باقىتجان ساعىنتاەۆ قاتىسىپ جاتىر.

ولار بۇگىن ەۋرازيالىق ۇكىمەتارالىق كەڭەس ەاەو ەلدەرىندەگى ماكروەكونوميكالىق احۋالدى جانە ورنىقتى ەكونوميكالىق دامۋدى قامتاماسىز ەتۋ جونىندەگى ۇسىنىستاردى قارايتىن بولادى.

بۇدان بولەك، ەاەو-عا مۇشە مەملەكەتتەردىڭ «ەۋرازيالىق اگروەكسپرەسس» اۋىل شارۋاشىلىعى ونىمدەرى مەن ازىق-تۇلىكتى جەدەلدەتىلگەن تەمىر جول جانە مۋلتيمودالدى تاسىمالداۋدى جۇزەگە اسىرۋ جونىندەگى بىرلەسكەن جوباسىن ىسكە اسىرۋ بارىسىن، ەۋرازيالىق ەكونوميكالىق وداق مەملەكەتتەرىنىڭ كولىك سالاسىنداعى باسىم ينتەگراتسيالىق ينفراقۇرىلىمدىق جوبالار تىزبەسىنە وزگەرتۋلەر ەنگىزۋدى تالقىلاماق.

فوتو: Sputnik

Abai.kz