سەمەيدەگى ەڭ ءىرى كيىم بازارىندا تاڭعى ساعات 3.00 شاماسىندا ءورت بولىپ، ونى سوندىرۋگە 400-گە جۋىق ءورت ءسوندىرۋشى جۇمىلدىرىلىپ جاتىر.

اتاپ ايتساق، ءورتتى جويۋعا جەكە قۇرامنان 349 ادام، 47 تەحنيكا جانە 1 ءورت ءسوندىرۋ پويىزى ءتىلسىز جاۋدى ءسوندىرۋ جۇمىستارىن جالعاستىرۋ ۇستىندە.
اباي وبلىسى تجد ءباسپاسوز قىزمەتىنىڭ مالىمەتىنشە، 5 اقپاننان 6 اقپانعا قاراعان ءتۇنى ورتكە قارسى قىزمەتكە زاسيادكو كوشەسى، 65 مەكەنجايىندا الاپات ءورت بولعاندىعى تۋرالى حابارلاما تۇسكەن. ەكى قاباتتى عيماراتتىڭ 1-قاباتىنداعى ءارتۇرلى تاۋارلارى بار پلاستيكالىق بۋتيكتەر ورتەنىپ، ءورت 2 قابات پەن شاتىرعا تاراعان.

قۇداي ءساتىن سالعاندا قۇرباندار مەن زارداپ شەككەندەر جوق. ءورتتىڭ الدىن الا شارپىعان اۋدانى – شامامەن 4 مىڭ شارشى مەتردەن استام. ونىڭ شىعۋ سەبەبى انىقتالىپ جاتىر، – دەلىنگەن تجد حابارلاماسىندا.

جەرگىلىكتى جەردە ءورت ءسوندىرۋ شتابى جۇمىس ىستەپ جاتىر. كۇشتەر مەن قۇرالدار №3 شاقىرۋدىڭ جوعارى دارەجەسى بويىنشا جۇمىس اتقارۋدا. وتتىڭ جوعارى تەمپەراتۋرادا جانە اۋقىمدى بولۋى مەن عيماراتتىڭ ورنالاسۋى، جانعىش ماتەريالدار ءورتتى سوندىرۋگە قيىندىق تۋدىردى.

ءورتتىڭ نەدەن شىققانى تەكسەرۋ بارسىندا انىقتالاتىن بولادى. الدىن الا بەلگىلى بولعانى ءورت ىلە شالا 2 قاباتتان جان-جاققا تاراعان.

Abai.kz