ەلىمىزدىڭ سولتۇستىك پەن شىعىس ايماقتارىندا اۋا تەمپەراتۋراسى 38 گرادۋسقا دەيىن تومەندەيدى، دەپ حابارلايدى Abai.kz.

"قازگيدرومەت" رمك-نىڭ مالىمەتىنشە، ونىمەن بىرگە اياز ساقتالادى، تەك رەسپۋبليكانىڭ وڭتۇستىك-شىعىسىندا 17 اقپاندا اتموسفەرالىق فرونتتاردىڭ وتۋىمەن قار جاۋادى، تاۋلى ايماقتاردا – قالىڭ قار، تۇمان، كوكتايعاق، بۇرقاسىن كۇتىلەدى.

رەسپۋبليكانىڭ سولتۇستىك جانە شىعىس بولىگىندە اۋا تەمپەراتۋراسى تۇندە 30-38, كۇندىز 20-28 گرادۋسقا دەيىن تومەندەيدى. ەلىمىزدىڭ وڭتۇستىك-شىعىسىندا اۋا تەمپەراتۋراسى تۇندە 15-25 گرادۋسقا دەيىن تومەندەيدى، ال تاۋلى ايماقتاردا 30-35 گرادۋس اياز، كۇندىز 10-25 گرادۋس اياز بولادى دەپ كۇتىلۋدە.

Abai.kz