قىتايدىڭ جۇرگىزىپ جاتقان اۋقىمدى كيبەروپەراتسيا تۋرالى قۇجاتتارى الەۋمەتتىك جەلىدە بەلسەندى تارالىپ جاتىر. تىپتەن كەيبىر ازاماتتارىمىزدىڭ جەكە مالىمەتتەرى قىتايلىق كيبەرتىڭشىلاردىڭ قولىنا تۇسكەن بولۋى مۇمكىن.، دەپ حابارلايدى Abai.kz 31 ارنانىڭ ينفورمبيۋرو اقپاراتتىق باعدارلاماسىنا سىلتەمە جاساپ.

تسيفرلىق دامۋ مينيسترلىگى مەن ۇلتتىق قاۋىپسىزدىك كوميتەتىنىڭ وكىلدەرى قازىر تەكسەرۋ باستالعانىن مالىمدەدى.

باعدارلاما ارقىلى حاكەرلار جەكە ادامداردىڭ ەلەكتروندى پوشتالارىن، تەلەفون نومىرلەرى مەن جەلىدەگى پاراقشالارىن يەمدەنىپ، جەكە حاتتارىن وقۋعا دەيىن مۇمكىندىك الادى. ءتىپتى، ازاماتتاردىڭ پاراقشاسى ارقىلى جازبا دا قالدىرۋى مۇمكىن. ودان بولەك، Android جانە ءىOS قۇرىلعىلارىنداعى مالىمەتتەرگە يەلىك ەتە الادى دەگەن اقپارات بار.

جاريالانىپ كەتكەن قۇجاتتاردا قازاقستاندىق ازاماتتاردىڭ تەلەفون نومىرلەرى تۇرعانى بەلگىلى بولدى. جاۋاپتى ۆەدومستۆو وكىلدەرى ادامدارعا جەكە اككاۋنتتارىنا وتە كۇردەلى قۇپيا ءسوز جازۋدىڭ ماڭىزدى ەكەنىن ەسكەرتەدى. ال بەيتانىس حابارلامالاردى اشپاۋعا جانە كەز كەلگەن سايتقا وزدەرى تۋرالى جەكە مالىمەتتى قالدىرماۋعا كەڭەس بەرەدى.

Abai.kz