قازىر قوستاناي دەگەن شاھارعا كەلسەڭ، وسىنداي تاڭعاجايىپ جايتقا تاپ بولاسىڭ. مۇندا كوشەلەردىڭ اتتارى تەك ورىسشا جازىلادى.

ءبىر قىزىعى، جاڭاعى احاڭنىڭ تەگىن «بايتۇرسىنوۆ» دەپ قازاقشا جازۋعا ساۋاتى جەتپەيتىندەر بۇل تاقتايشا – ءدال وسى احاڭ اتىنداعى ۋنيۆەرسيتەتتىڭ جانىنا، سونداي-اق وبلىستىق قوعامدىق دامۋ باسقارماسى مەن ءتىل باسقارماسى وتىراتىن وبلىستىق اكىمدىكتىڭ ءدال ىرگەسىنە ءىلىپ قويعان.

ال مىنا ەكىنشى كوشە كەڭەس وداعىنىڭ باتىرى، قىرشىن كەتكەن سۇلتان بايماعامبەتوۆكە ەمەس، ونىڭ جۇبايىنا ارنالعان سەكىلدى. ال ەندى ورىس تىلىندە «ماي» دەگەن اتاۋدىڭ «مامىرعا» اۋىسقاندىعىنا قانشاما جىلدار وتسە دە، مۇنداعىلار ول «مايىنان» ايىرىلمايدى.

ءبىر وكىنىشتىسى، وسىلاردى تۇزەتەيىن دەگەن ءتىلدى دامىتۋعا جاۋاپتى شەنەۋنىكتەر دە، اتى دارداي حىلاقارالىق «قازاق ءتىلى» قوعامىنىڭ وبلىستىق بولىمىندەگىلەردىڭ ەشبىر نيەتى بايقالمايدى.

ال شىندىعىندا كوشە اتى ويىنشىق ەمەس. بىرىنشىدەن، بۇل ءوز انا تىلىمىزگە دەگەن نەمقۇرايلىلىقتى بىلدىرەدى. ەكىنشىدەن، ەڭ بولماسا كوشە اتىن ساۋاتتى جازا المايتىندىعىن كورگەن وزگە ۇلت وكىلدەرى نە ولايتىندىعى بەلگىلى. «ە، الدىمەن بۇلاردىڭ وزدەرى، قاراپايىم عانا سوزدەردى دۇرىس جازىپ السىن. سوسىن عانا بىزگە بىردەڭە ۇيرەتەر» دەپ مۇرنىن شۇيىرەر حاق. ال ولارعا قانداي ءۋاج ايتا الار ەكەن؟ جالپى العاندا، بۇل كورىنىس قوستاناي وبلىسى سەكىلدى تەرىستىك وڭىرلەردەگى بيلىك باسىندا وتىرعانداردىڭ انا تىلىمىزگە دەگەن تەرىس كوزقاراسىن بىلدەرتىندىگى حاق.

كەيدە ويلايسىڭ، مۇمكىن، مۇنداعىلار قازاق ءتىلىنىڭ بار ەكەندىگىن ۇمىتىپ قالعان شىعار دەپ. قالاي بولعاندا دا بۇل جۇمباقتىڭ شەشىمىن تابا المادىق. مۇمكىن،سىزدەر تابارسىزدار؟

جايبەرگەن بولاتوۆ

Abai.kz