مەملەكەت باسشىسى «قتج» ۇك» اق يننوۆاتسيالىق ورتالىعىنا بارىپ، سيان قالاسىنداعى كولىك-لوگيستيكا ورتالىعىنىڭ اشىلۋ راسىمىنە تەلەكوپىر ارقىلى قاتىستى.

جيىن بارىسىندا قاسىم-جومارت توقاەۆ قازاقستان-قىتاي قاتىناستارى ءۇشىن كولىك-لوگيستيكا ورتالىعىن اشۋدىڭ ماڭىزدى ەكەنىن ايتىپ، نىساندى ىسكە قوستى.

ەسكە سالا وتسەك، ەكى ەلدىڭ باسشىلىعى قىتايدىڭ شەنسي قالاسىن قازاقستانمەن، ورتالىق ازيامەن جانە ودان ءارى ەۋروپامەن بايلانىستىراتىن سيان قۇرعاق پورتىندا لوگيستيكا ورتالىعىن سالۋ جونىندە ۋاعدالاسقان بولاتىن.

سيان –توراپتىق ترانزيتتىك ورتالىعى جانە ەڭ ءىرى قۇرعاق پورت ورنالاسقان قىتايدىڭ قالاسى. اتالمىش قالادان قحر مەن ەۋروپا وداعى اراسىنا قاتىنايتىن كونتەينەرلىك پويىزداردىڭ 40 پايىزىنا جۋىعى وسى جەردەن جونەلتىلەدى.

سيان قالاسىنداعى قۇرعاق پورتتا ورنالاسقان قازاقستان تەرمينالىنىڭ جوبالىق قۋاتى – جىلىنا 66,5 مىڭ جفە (جيىرما فۋتتىق ەكۆيۆالەنت). تەرمينال ەلىمىزدىڭ ەكسپورتتاۋشىلارى ءۇشىن جاڭا وتكىزۋ نارىقتارىنا جول اشادى، جۇكتەردى جەتكىزۋ مەرزىمىن ەداۋىر قىسقارتادى جانە قازاقستاننىڭ ەۋرازياداعى سەنىمدى ترانزيتتىك حاب رەتىندەگى پوزيتسياسىن نىعايتۋعا مۇمكىندىك بەرەدى.

Abai.kz