«استانا جاستارى» جاستار رەسۋرستىق ورتالىعىنىڭ ەرىكتىلەرى حالىقارالىق ايەلدەر كۇنى مەرەكەسى قارساڭىندا ەلوردا تۇرعىندارىن قۇتتىقتاپ، گۇلدەرمەن جانە شوكالادتارمەن قۋانتۋدا، دەپ حابارلايدى ەلوردا اكىمدىگىنىڭ رەسمي سايتى.

ەرىكتىلەر قىزعالداق گۇل شوقتارى مەن شوكالادتاردى ايەل ادامدارعا قالانىڭ تۇرعىندار تىعىز قونىستانعان جەرلەرىندە تاراتۋدا. اكتسيا جىل سايىن وتكىزىلەدى.

«ءبىزدىڭ ماقساتىمىز – نازىك جاندىلارعا مەرەكەلىك كوڭىل-كۇي سىيلاۋ. قىمباتتى حانىمدارعا باقىت، دەنساۋلىق جانە اماندىق تىلەيمىن»، - دەدى ەرىكتىلەردىڭ ءبىرى ەراسىل امانتاي.

استانالىقتار ءوز كەزەگىندە كورسەتىلگەن قۇرمەتكە ريزا بولىپ، جاستاردىڭ نيەتىنە العىستارىن ءبىلدىردى.

«بارلىعىنا كوپ راقمەت! كۇتپەگەن جەردەن كوڭىل كۇي بىردەن كوتەرىلدى. ءاربىر ايەلگە زور باقىت تىلەيمىن!» - دەدى اينۇر سمايىلوۆا.

اكتسيا ءالى دە جالعاسۋدا. ەرىكتىلەر استانالىق انالار مەن ارۋلارعا 1000-نان اسا گۇل مەن شوكالاد سىيلايدى.

Abai.kz