ءال-فارابي اتىنداعى قازاق ۇلتتىق ۋنيۆەرسيتەتى 2012 جىلدىڭ باسىندا جاستارعا، قوعامعا وي سالاتىن «قازۇۋ ستۋدەنتى وقۋعا ءتيىس 100 كىتاپ» دەپ اتالاتىن جوبانى باستاعان بولاتىن. ستۋدەنتتەر ءۇشىن ءتيىمدى،كىتاپ وقۋدىڭ جەڭىل ءتۇرىن ۇسىنعان العاشقى باستاما.

جوبانى ۇيىمداستىرۋداعى باستى ماقسات -قارا شاڭىراققا وقۋعا كەلگەن جاس ستۋدەنتتەرگە ءتورت جىلدا ءجۇز كىتاپتى وقىپ شىعۋى ازاماتتىق بورىش ەكەندىگىن سەزىندىرۋ. وزگە جوعارى وقۋ ورىندارى ستۋدەنتتەرىنەن ەرەكشەلەنەتىن باسىمدىعى دا وسى بولماق. وسىلايشا جاستار اراسىندا كىتاپ وقۋدى سانگە اينالدىرۋ قاجەت. بۇل – رۋحاني، ۇلكەن جوبا. ءار ۋنيۆەرسيتەت ءوز تۇلەگىمەن ماقتاناتىندىعىن ەسكەرسەك، دايىنداعان كادرلارىمىز رۋحاني دۇنيەمەن سۋسىنداپ شىقسا، مىقتى مامان بولارى ءسوزسىز.جوبا اياسىندا قازۇۋ ستۋدەنتى وقۋعا ءتيىس ۇزدىك وتاندىق جانە الەمدىك اۆتورلاردىڭ كلاسسيكالىق شىعارمالارى تاڭدالدى جانە ءتىزىمى جاسالعان بولاتىن.جوبا باستالعان بىرنەشە جىلدىڭ ىشىندە ءال-فارابي كىتاپحاناسىنىڭ ۇيىمداستىرۋىمەن وقىرماندار كونفەرەنتسيالارى، شىعارما اۆتورلارىمەن كەزدەسۋ كەشتەرى، جاڭا كىتاپتىڭ تۇساۋكەسەرى جانە ستۋدەنتتەر اراسىندا ساۋالنامالار جۇرگىزۋ سىندى يگى ءىس-شارالار ۇيىمداستىرىلدى. «قازۇۋ ستۋدەنتى وقۋى ءتيىس 100 كىتاپ» ­جوباسى – بۇگىندە ­ەرەكشە مانگە يە جاستاردى كوركەم شىعارما وقۋ مەن كىتاپ قۇندىلىعىن ارتتىراتىن رۋحاني شارا.

جاقسىلىققا باستايتىن ەڭ ىزگى قۇرال وسى – كىتاپ. كىتاپپەن وسكەن ۇرپاق قانداي جاعدايدا دا، قاي جەردە دە ورەسى بيىك، رۋحاني تازا تۇرارى ءسوزسىز. اقىن-جازۋشىلاردىڭ شىعارمالارىمەن تانىسىپ قانا قويماي، اۆتورلارمەن كەزدەسۋلەر ۇيىمداستىرىلادى. كەز-كەلگەن اقىنمەن، جازۋشى، ويشىلمەن كەزدەسۋ ەرەكشە اسەر بەرەرى ءسوزسىز. ءار اقىن-جازۋشى، شىعارماشىل ادام – تىڭنان تۇرەن سالۋشى، جالپاق جۇرتتىڭ ويىنا كەلمەگەندى ايتۋمەن، قيالىنىڭ ۇشقىرلىعىمەن ەرەكشەلەنەدى. سول ارقىلى ادامنىڭ ساناسىن وياتادى. ءبىر عانا شىعارما بولاشاق ماماندارىمىزدى تازالىققا، وتانسۇيگىشتىككە، ادالدىققا، ۇلتجاندىلىققا، رۋحانيلىققا تاربيەلەۋى مۇمكىن. كوپتەگەن جىلدار بويى ادامنىڭ ىشىندەگى بۇعىپ جاتقان دۇنيە، اقىننىڭ ءبىر شىعارماسىمەن سىرتقا شىعۋى مۇمكىن. اقىن ءبىر ولەڭىمەن-اق ادامنىڭ ءومىر بويى كىتاپقۇمارلىعىن اشۋى مۇمكىن.بىلىكتى دە ءبىلىمدى مامانمەن قوسا، تاربيەلى دە سانالى ادام تاربيەلەۋ باستى ماقسات. قارا شاڭىراقتىڭ ىزگى باستاماسىن قولداي وتىرا، زاڭ فاكۋلتەتى ازاماتتىق قۇقىق جانە ازاماتتىق ءىس جۇرگىزۋ، ەڭبەك قۇقىعى كافەدراسىنىڭ ستۋدەنتتەرىمەن بۇۇ-نىڭ «تۇراقتى دامۋ ماقساتتارى 4 باعىتى» اياسىندا  م.اۋەزوۆتىڭ الەمگە ايگىلى رومان-ەپوپەياسىن تالدادىق.«اباي جولى»  – قازاقتىڭ كوركەم پروزاسىن جوعارى دەڭگەيگە كوتەرىپ، الەم ادەبيەتىنە بيىك ەستەتيكالىق تالعام، كوركەمدىك قۋات اكەلگەن ۇزدىك تۋىندى. اۋەزوۆ ءوزىنىڭ رومان-ەپوپەياسىندا قازاق حالقىنىڭ، ونىڭ ۇلتتىق ءداستۇرىن بارلىق قىرىنان جان-جاقتى اشىپ كورسەتكەن. قازاقتىڭ دانا ۇلى اباي وبرازىن، شىعارمالىق جانە قايراتكەرلىك تۇلعاسىن ءسوز ونەرىندە وزگەشە دارالىقپەن سومداعان. «اباي جولى» رومان-ەپوپەياسىنا شەتەلدىك قالامگەرلەر لۋي اراگون، ن.تيحونوۆ، ب.ماتيپ ت.ب.جوعارى باعا بەرەدى. جازۋشى ويشىل، اقىن ابايدى باستى كەيىپكەر ەتىپ الا وتىرىپ، ونىڭ بەينەسىن اينالاسىنا توپتاسقان كوپتەگەن قاھارماندارمەن تىعىز قارىم-قاتىناس ۇستىندە جان-جاقتى اشادى. «اباي جولى» رومان-ەپوپەياسىندا قازاق حالقىنىڭ ەتنوگرافيا، ءدىني، جالپى مادەني-تانىمدىق داستۇرلەرى: جاز جايلاۋعا كوشۋ، قۇدالىققا بارۋ مەن توي جاساۋ، كىسى ءولىمى مەن ازا تۇتۋ، اس بەرۋ، جۇرت، بولىس سايلاۋى، داۋعا بيلىك ايتۋ ت.ب. ءبارى بار. وقيعالار مەن فاكتىلەردى بايانداۋ ۇستىندە جازۋشى ومىرلىك تارتىستى بارىنشا اشىپ كورسەتۋگە، ونىڭ الەۋمەتتىك ءمانىن كۇشەيتۋگە تىرىسادى.قازاقتىڭ ءداستۇرىن بەينەلەگەن رومان ءبىلىم الۋشىلاردا ۇلكەن قىزىعۋشىلىق بولعانىن اڭعاردىم.بولاشاقتا كىتاپ وقىپ جانە تالداۋدى ءداستۇرلى تۇردە قولعا الۋ جوسپاردا بار.

نۋراحمەتوۆا گ.گ.

ءال-فارابي اتىنداعى قازۇۋ-دىڭ زاڭ فاكۋلتەتى  ازاماتتىق قۇقىق جانە ازاماتتىق ءىس جۇرگىزۋ، ەڭبەك قۇقىعى كافەدراسىنىڭ ز.ع.ك.، دوتسەنت

Abai.kz