سوڭعى ۋاقىتتارى ابزال جانعا تەڭەگەن اق حالاتتىلارىمىز كومەك كورسەتۋگە اسىعامىز دەپ جۇدىرىقتىڭ استىندا قالىپ جاتىر. ەكى مارتە قايتالانعان بۇل جاعداي، دارىگەرلەردىڭ قۇقىقتارىنا سىن كەلتىرگەنى انىق.

وسى تۇستا دەنساۋلىق ساقتاۋ ۆيتسە-ءمينيسترى تيمۋر سۇلتانعازيەۆ قۇقىق قورعاۋ ورگاندارى مەديتسينا قىزمەتكەرلەرىنىڭ دەنساۋلىعىنا زيان كەلتىرگەنى ءۇشىن جاۋاپكەرشىلىكتى ارتتىرۋعا نەلىكتەن قارسىلىق تانىتقانىنا جاۋاپ بەردى.
سەنات وتىرىسىندا ول بۇل دەپۋتاتتار مەن دەنساۋلىق ساقتاۋ مينيسترلىگىنىڭ بىرلەسكەن باستاماسى ەكەنىن ەسكە سالدى.

"دەنساۋلىق ساقتاۋ مينيسترلىگى قىلمىستىق زاڭناما اياسىندا قۇقىق قورعاۋ ورگاندارىنىڭ مارتەبەسىمەن جۇمىس ىستەۋ كەزىندە دارىگەرلەردىڭ مارتەبەسىن تەڭەستىرۋ نورماسىن قولدادى. بىراق ىشكى ىستەر مينيسترلىگى، باس پروكۋراتۋرا، ادىلەت مينيسترلىگى جانە جوعارعى سوت بۇل نورماعا قارسى. ولار بارلىعىنا ورتاق نورمالاردىڭ بار ەكەندىگىن، بارلىق مەملەكەتتىك قىزمەتشىلەر وزدەرىنىڭ ازاماتتىق جانە كاسىبي قىزمەتىن اتقارۋ كەزىندە جالپى ستاندارتتار بويىنشا قورعالاتىنىن ايتادى", – دەدى تيمۋر سۇلتانعازيەۆ.

دەنساۋلىق ساقتاۋ مينيسترلىگى بۇل ۇستانىممەن كەلىسپەيتىنىن جەتكىزدى. سەبەبى، سوڭعى ۋاقىتتارى مەديتسينا قىزمەتكەرلەرىنە، جەدەل جاردەم جۇرگىزۋشىلەرىنە، قابىلداۋ بولمەسىنە شابۋىل جاساۋ جيىلەپ كەتكەن. دەپارتامەنت بۇل نورما ماسەلەسىن دەپۋتاتتارمەن بىرگە قايتا كوتەرمەك.

Abai.kz