مەملەكەت باسشىسى قاسىم-جومارت توقاەۆتىڭ توراعالىعىمەن ۇلتتىق قۇرىلتايدىڭ ءۇشىنشى وتىرىسى ءوتىپ جاتىر. قۇرىلتاي كەزىندە پرەزيدەنت ەلتاڭباعا قاتىستى سىني پىكىرلەر ايتىلاتىنىن ەسكەرىپ، قازاقستاننىڭ جاڭا ەلتاڭباسىنىڭ جوباسىن جاساۋعا اشىق بايقاۋ جاريالاناتىنىن حابارلادى. 

ء“بىزدىڭ كوك تۋىمىزدا ءمىن جوق. وندا ەلىمىزدىڭ بىرەگەي بولمىسى ناقتى بەينەلەنگەن. ءانۇرانىمىز دا ناعىز ۇلتتىق رۋحتى پاش ەتەدى. قازاقتىڭ ءانۇرانى الەمنىڭ ءار تۇكپىرىندە شىرقالىپ ءجۇر. جاڭا جىلدى جاقىندارىمىزدىڭ ورتاسىندا انۇرانمەن قارسى الۋ جاقسى داستۇرگە اينالدى. ءبىر سوزبەن ايتساق، ءانۇرانىمىزدىڭ ءسوزى دە، اۋەنى دە حالىقتىڭ جۇرەگىنە ابدەن ورنىققان.

ال ەلتاڭبامىزعا قاتىستى سىني پىكىرلەر ايتىلىپ قالادى. ونى كەڭەس زامانىنداعى گەربكە ۇقساتىپ جاتادى. تىم ەكلەكتيكالىق، كۇردەلى دەيدى. مۇنداي ويدى ەل ىسىنە بەي-جاي قارامايتىن بەلسەندى ازاماتتار عانا ەمەس، ماماندار دا ايتىپ ءجۇر. ورىندى پايىمدار ەسكەرۋسىز قالماۋى كەرەك. ورتاق كەلىسىمگە كەلگەن جاعدايدا ارناۋلى كوميسسيا قۇرۋعا بولادى. بۇل كوميسسيا ماسەلەنى جان-جاقتى قاراستىرىپ، قوعامدىق تالقىلاۋ وتكىزەدى. سوسىن قازاقستاننىڭ جاڭا ەلتاڭباسىنىڭ جوباسىن جاساۋعا اشىق بايقاۋ جاريالانادى", – دەدى پرەزيدەنت.

Abai.kz