قازاقستان پرەمەر-ءمينيسترى ولجاس بەكتەنوۆ تجم داعدارىستىق جاعدايلاردى باسقارۋ ورتالىعىندا توتەنشە جاعدايلار ءمينيسترى شىڭعىس ارىنوۆتىڭ ەسەبىن تىڭدادى.

قر تجم مالىمەتىنشە، اكىمدىكتەرمەن بىرلەسىپ 2,3 ملن تەكشە مەتردەن استام ەرىگەن سۋ سورىلدى، 162 مىڭنان استام قاپ سالۋ جانە 31 587 توننا ينەرتتى ماتەريال توسەلدى.

اۆاريالىق-قۇتقارۋ جۇمىستارىنا 6349 ادام، 2192 بىرلىك تەحنيكا، 689 بىرلىك سۋ سورۋ قۇرالدارى جانە ت.ب. جۇمىلدىرىلدى.

سۋرەت: baigenews.kz

"بۇل سوڭعى جىلدارداعى ەڭ اۋقىمدى سۋ تاسقىنى. قازىر باستىسى - ادامداردىڭ ءومىرىن قۇتقارۋ جانە اپاتتىڭ سالدارىن بارىنشا ازايتۋ. كەيiن جەكەلەگەن لاۋازىمدى ادامداردىڭ وزدەرiنiڭ قىزمەتتiك مiندەتتەرiن ورىنداۋعا نەمقۇرايلى قاراۋىنىڭ ىقتيمال فاكتiلەرiن انىقتاۋ ماقساتىندا ناقتى تەكسەرۋ جۇرگiزiلەتiن بولادى.

بۇل ماسەلەنى مەن باس پروكۋرورمەن تالقىلادىم. بۇگىندە بارلىق كۇش-جىگەر سۋ تاسقىنىنا قارسى جۇمىستارعا جۇمسالدى. بىرقاتار وڭىرلەردە تج رەجيمى جاريالاندى. مەنىڭ ءبىرىنشى ورىنباسارىم رومان ۆاسيلەۆيچ سكليار زارداپ شەككەن وڭىرلەردە جۇمىس ىستەيدى ", - دەپ اتاپ ءوتتى ولجاس بەكتەنوۆ.

ۇكىمەت باسشىسى سونداي-اق سولتۇستىك وڭىرلەردە سۋ باسۋ قاۋپى بار ەكەنىن اتاپ ءوتتى. بۇعان دەيىن سولتۇستىك قازاقستان وبلىسىنداعى گيدروتوراپتاردىڭ جاعدايى تەكسەرىلگەن بولاتىن.

تجم باسشىلىعىنا ەلىمىزدىڭ بارلىق وڭىرلەرىندە جۇمىستاردىڭ جۇرگىزىلۋىنە باقىلاۋدى كۇشەيتۋ تاپسىرىلدى.

سۋرەت ۆيكيپەديادان الىندى

قوستاناي وبلىسى

ارقالىق قالاسىنىڭ اكىمى ءامىرحان اسانوۆ سۋ تاسقىنى باستالعالى بەرى ءموبيلدى توپتاردىڭ كۇنى-ءتۇنى تىنىمسىز جۇمىس ىستەپ جاتقانىن جەتكىزدى.

قوستاناي وبلىسىنىڭ اكىمى قۇمار اقساقالوۆ كوكتەمگى سۋ تاسقىنىنا بايلانىستى ارقالىقتا جەدەل شتاب قۇرىپ، وبلىستىڭ وڭتۇستىك وڭىرلەرىندە جاريالانعان توتەنشە جاعدايلاردى تىكەلەي ءوز باقىلاۋىنا الدى.

وبلىس اكىمى ەكى كۇن بويى تاسقىنعا قاتىستى ءىس-قيمىلداردىڭ باسى-قاسىندا بولىپ، ۇيلەرىن سۋ باسقان تۇرعىنداردىڭ دا جاعدايلارىن ءوز كوزىمەن كوردى.

جەدەل شتابتا ارقالىق قالاسى، امانكەلدى، جانكەلدين اۋداندارىنداعى سۋ تاسقىنى وبلىس اكىمىنىڭ باسشىلىعىمەن ءسات سايىن باقىلانىپ وتىردى. اتاپ ايتساق، 27 ناۋرىز كۇنى جالعىزتال اۋىلىنان 2 شاقىرىم قاشىقتىقتا ورنالاسقان «ورازالى» شارۋا قوجالىعىنان ءبىر ازامات قۇتقارىلىپ، قالاعا جەتكىزىلدى. «سارباس»، «باقىتبەك»، «تاڭسۇلتان»، «بولات ك» قىستاقتارىنان – 15 ادام، قىزىلجۇلدىز – قايىڭدى اۋىلدارىنان 128 ادام، ەكىدىڭ اۋىلىنان – 17 ادام، «جۇمان» قىستاعىنان – 21 ادام، «قازبەك»، «سالمان»، «ماللىوبا»، «قوعا» قىستاقتارىنان –12 ادام، بارلىعى 194 ادام ەۆاكۋاتسيالاندى. قازىرگى ۋاقىتتا «ساۋقىنباي»، «توققوجا»، «قىلىشباي»، «بەيسەن» قىستاۋلارىنان جالپى 17 ادامدى قاۋىپسىز جەرگە شىعارۋ شارالارى وتكىزىلۋدە. تەحنيكا بارا المايتىن ەلدى مەكەندەردىڭ تۇرعىندارىن ەۆاكۋاتسيالاۋعا تىكۇشاقتار جۇمىلدىرىلعان.

28 ناۋرىزعا تەكتى ارقالىق قالاسى اكىمدىگىنىڭ جەدەل جەلىلەرىنە قالانىڭ «سەۆەرنىي»، «نوۆىي»، «زاپادنىي»، «داچنىي»، «دوروجنيك -1» كەنتتەرىنەن جانە «رودينا» اۋىلى تۇرعىندارىنان167 ءوتىنىش تۇسكەن. قازىرگى ۋاقىتتا ءتيىستى جۇمىستار جالعاسۋدا. ارقالىقتاعى سۋ تاسقىنىنا كومەككە قوستاناي وبلىسى توتەنشە جاعدايلار دەپارتامەنتى جاساعىنان – 50 ادام، 3 تەحنيكا جانە 1 تىركەمەلى موتوپومپا، قاراعاندى قالاسىنىڭ اسكەري بولىمشەسىنەن – 50 ادام 3 تەحنيكا، قوستاناي قالالىق توتەنشە جاعدايلار دەپارتامەنتىنەن 2 تەحنيكا مەن 5 ادام جىبەرىلدى. بۇعان قوسا وبلىس اكىمىنىڭ پارمەنىمەن قالاعاكەشە تاعى 50 موتوپومپا جەتكىزىلدى.

ءوڭىر باسشىسى قۇمار اقساقالوۆ توتەنشە جاعدايدان زارداپ شەككەن بىردە ءبىر تۇرعىننىڭ ءوز ماسەلەسىمەن جەكە قالماۋى قاجەتتىگىن، قازىر ءتيىستى ايماقتاردا ادام كۇشى جەتپەي جاتقاندىعىن، سول سەبەپتى جۇمىلدىرۋ شارالارىنا ستۋدەنت-جاستار ەرىكتىلەرىن تارتۋ كەرەكتىگىن قاداپ تاپسىردى.

سۋرەت ۆيكيپەديادان الىندى

اقتوبە وبلىسى

اقتوبەدە ەلەك جانە قارعالى وزەنىنىڭ كىرپىشتى كوپىرىنە جاقىن ورنالاسقان باۋ-باقشا ۇجىمدارىن سۋ باستى. ءتۇنى بويى جۇرگىزىلگەن ەۆاكۋاتسيا جۇمىستارىنىڭ ناتيجەسىندە ادام شىعىنى بولعان جوق. ەۆاكۋاتسيا شارالارىنا ءوزى باستاپ قاتىسقان وبلىس اكىمى اسحات شاحاروۆ سۋعا كەتكەن اۋماقتاردى تۇنىمەن، تاڭدا ءوزى ارالادى. قاۋىپسىز جەرگە كوشىرىلگەن اقتوبەلىكتەرمەن كەزدەسىپ، بارلىق شىعىندى وتەۋمەن كوميسسيا اينالىساتىنىن ءسوز ەتتى.

جەرگىلىكتى سينوپتيكتەر تابيعي اپاتتىڭ نەگىزگى سەبەپتەرىن اتادى.
سۋ تاسقىنىنىڭ تۋىنداۋىنا ءۇش جاعداي سەبەپ بولعان «قازگيدرومەت» رمك وبلىستىق فيليالىنىڭ ديرەكتورى ايگۇل سايموۆا العا تارتتى. وسى ورايدا:

«ادەتتە، تۇندە اۋا تەمپەراتۋراسى نولدەن جوعارى بولعان جاعدايدا سۋدىڭ مولشەرى كوپ بولادى. بيىل 26 ناۋرىزدا وبلىس اۋماعىندا كۇن جىلىنىپ، جاڭبىر جاۋىپ، سۋ مولشەرى ارتتى»، – دەدى، ايگۇل سايموۆا.

ەندى تارقاتا ايتاتىن بولساق:

ءبىرىنشىسى سەبەپ – كۇزگى جاۋىن-شاشىننىڭ سالدارىنان توپىراق ىلعالدانىپ، اياز كوتەرىلگەندە قاتىپ قالدى. سونىڭ سالدارىنان جەردە قاتقان توڭنىڭ تەرەڭدىگى وتىز سانتيمەتردەن ءبىر مەترگە دەيىن جەتكەن.

ەكىنشى سەبەپ – قىستا قار مەن جاڭبىردىڭ ارالاس جاۋى. بۇل جەر بەتىندە مۇز قىرتىسىنىڭ پايدا بولۋىنا اكەلدى. مۇزدا اۋا بولماعاندىقتان، قارعا قاراعاندا ىلعال كوپ ەكەنى فيزيكا زاڭدارىنان بەلگىلى.

بۇل ارداعى سوڭعى، ءۇشىنشى سەبەپ – تۇندە اۋا تەمپەراتۋراسىنىڭ نولدەن جوعارى بولۋى.

قىسقا مەرزىمدى بولجامدار 29-31 ناۋرىزدا اۋا تەمپەراتۋراسىنىڭ تۇندە -10, كۇندىز -3-5 گرادۋسقا دەيىن تومەندەيتىنىن كورسەتەدى.

وبلىستا سۋ تاسقىنىمەن كۇرەسۋشىلەر ءۇشىن 1000-نان استام ارنايى كيىم جيىنتىعى تەگىن تىگىلىپ، «گلوبال-سپەتسودەجدا» تىگىن كاسىپورنىنىڭ شەبەرلەرى اقتوبە وبلىسىندا كۇندىز-ءتۇنى سۋ تاسقىنىمەن كۇرەسۋشىلەرگە 1057 بىرلىك ارنايى كيىم تىككەن. ىڭعايلى جانە جىلى كيىم جيىنتىقتارى اقتوبە قالاسى مەن وبلىس اۋداندارىنىڭ قۇتقارۋشىلارى مەن ەرىكتىلەرىنە تەگىن تاراتىلدى.

«كوكتەمگى سۋ تاسقىنى ءبىزدىڭ ايماقتىڭ تۇرعىندارىن ابىگەرگە سالدى. ءبىز وسىنداي قولايسىز اۋا-رايىندا ەڭبەكتەنىپ، تۇرعىندارعا كومەكتەسىپ جاتقان جاندارعا ءوز ۇلەسىمىزدى قوسقىمىز كەلدى. ولارعا العىستان باسقا ايتارىمىز جوق»،- دەدى كاسىپورىن باسشىسى نادەجدا شاباەۆا.

سۋرەت ۆيكيپەديادان الىندى

گۆاردياشىلار ءالى دە بقو تۇرعىندارىنا كومەك كورسەتۋدە

بۇگىن ءبىز ەلىمىزدىڭ كوپتەگەن وڭىرلەرىندە اۋا رايىنىڭ كۇرت وزگەرۋىنە بايلانىستى سۋ تاسقىنى بولىپ جاتقانىن بىلەمىز. قازىرگى ۋاقىتتا بۇل توتەنشە جاعداي باتىس قازاقستان جانە اقتوبە وبلىستارىندا وتە جوعارى دەڭگەيدە ورىن الىپ وتىر.

اتاپ ايتقاندا، بقو-نىڭ بىرقاتار ەلدى مەكەندەرى مەن اۋداندارىندا توتەنشە جاعداي جاريالاندى، ەۆاكۋاتسيا جۇرگىزىلۋدە. جەرگىلىكتى حالىق وسىعان بايلانىستى وسى توتەنشە جاعدايدى ەڭسەرۋ ءۇشىن قولدان كەلگەننىڭ ءبارىن جاساۋدا. قازىرگى كەزدە سۋ باسقان جەرلەردە قۇتقارۋشىلار مەن ەرىكتىلەر، سونداي-اق قازاقستان رەسپۋبليكاسى ۇلتتىق ۇلانىنىڭ 5517 اسكەري ءبولىمىنىڭ قىزمەتكەرلەرى جۇمىس ىستەپ جاتىر.

29 ناۋرىزدا ۇلتتىق ۇلاننىڭ جاۋىنگەرلەرى تابيعي اپاتتارمەن كۇرەستى جالعاستىرۋ ءۇشىن باتىس قازاقستان وبلىسى اسان اۋىلىنا اتتاندى. قازىرگى ۋاقىتتا اسان اۋىلىنداعى سۋ تاسقىنىنا قارسى تۇرۋ ءۇشىن 100-گە جۋىق گۆاردياشىنىڭ كومەگىمەن 1200-دەن استام قۇم سالىنعان قاپتان قورشاۋلار سالىنۋدا. سونداي-اق، ۇلتتىق ۇلاننىڭ اسكەري قىزمەتشىلەرى قۇتقارۋ وپەراتسيالارىنا ءۇش رەت بەلسەنە قاتىسىپ، تابيعي اپاتتارمەن كۇرەستى جالعاستىرۋدا.

سۋرەت ۆيكيپەديادان الىندى

ۇلىتاۋ وبلىسى

قازىرگى ۋاقىتتا كەنتتەگى سۋدىڭ دەڭگەيى قالىپتى. دەسە دە وڭىردەگى احۋالدى ءوز دەڭگەيىندە ۇستاپ تۇرۋ ءۇشىن شتاب كەزەكشىلىگى ۇزدىكسىز جۇمىس ىستەۋدە. بۇل رەتتە ۇلىتاۋ وبلىسىنىڭ اكىمى بەرىك ابدىعاليۇلى احۋالدى قاتاڭ باقىلاۋدا ۇستاعاننان بولەك، حالىقتى الدىن الا حابارلاندىرۋ، اقپاراتتاندىرۋ جۇمىستارىن اتقارىپ وتىرۋدى تاپسىردى.

ايتا كەتەيىك، وڭىردە ورىن الىپ جاتقان سۋ دەڭگەيىنىڭ كوتەرىلۋ جاعدايى قارساقباي كەنتىنىڭ سۋ توعانى مەن «شاۋىپكەل» توعانىندا دا ورىن العان بولاتىن. سالدارىنان كەنتتەگى 2 اۆتوموبيل وتكەلى ماڭىنان جولدى سۋ باسۋ ورىن الدى. جەرگىلىكتى اكىمدىك، مەملەكەتتىك مەكەمەلەر، ۇيىمدار جانە ەرىكتى تۇلعالاردىڭ بىرلەسە اتقارعان ءىس-شارا ناتيجەسىندە تۇرعىن ۇيلەردى سۋ باسۋ جانە زالال كەلۋ ورىن العان جوق.

كەنتتەگى توعاندا اعىندى سۋدىڭ الدىن الۋ جۇمىستارىنا قارساقباي مەتاللۋرگيالىق زاۋىتىنىڭ قىزمەتكەرلەرىنىڭ دە كەزەكشىلىگى ۇيىمداستىرىلدى.

تالدىساي ەلدى مەكەنىنەن جەزدى كەنتىنە ەۆاكۋاتسيالانعان 8 جەكە مەنشىك ۇيلەردىڭ يەلەرى ءۇشىن جەرگىلىكتى بيلىك كولىك ۇيىمداستىردى. سونداي-اق دۇلەي ءزىلزالا كەلتىرگەن بارلىق شىعىندار وتەلەتىن بولادى. بۇگىن وبلىس اكىمى بەرىك ابدىعاليۇلى تالدىسايلىقتارمەن كەزدەسىپ، ولارعا كورسەتىلەتىن كومەك تۋرالى ايتىپ بەردى.

"ەڭ باستىسى - ادامدار مەن مال قاۋىپسىز بولۋى كەرەك. كەلتىرىلگەن زياندى انىقتاۋ ءۇشىن تەحنيكالىق ساراپتاما جۇرگىزىلەدى. ونىڭ قورىتىندىسىنا بايلانىستى جوندەۋ جۇمىستارى مەن باسقا دا شىعىندار تولەنەدى ", - دەدى ايماق باسشىسى.

سۋرەت ۆيكيپەديادان الىندى

اباي وبلىسى

بەسقاراعاي اۋدانىندا سۋ تاسقىنىنىڭ الدىن الۋ جۇمىستارى جۇرگىزىلىپ، اۋداندا كوكتەمگى سۋ تاسقىنىنىڭ الدىن الۋ شارالارى بارىسىندا ارنايى جاساقتالعان موبيلدى توپ قۇرىلدى. سۋ باسۋ قاۋپى بار اۋىل ىشىندەگى كوشەلەردەن جالپى 19 مىڭ تەكشە مەتردەن اسا قار شىعارىلىپ، 96 مىڭ تەكشە مەتر سۋ سورىلدى.

اتالعان اۋدانداعى سۋ باسۋ قاۋپى بار بوزتال، قاراعايلى، ءوندىرىس، بەسقاراعاي، قاراباس اۋىلدارىنىڭ جانە بەگەن اۋىلدىق وكرۋگىنە قاراستى بەگەن ورمان شارۋاشىلىقتارىندا جاعداي قازىر قالپىنا ءتۇستى. جالپى اۋدان كولەمىندە 455 توننا ينەرتتى ماتەريال توسەلىپ، 11 925 تەكشە مەتردەن اسا سۋ شىعارىلدى. اتالعان جۇمىستارعا 85 ادام جانە 49 تەحنيكا جۇمىلدىرىلدى.

اباي وبلىسىندا ەۆاكۋاتسيالانعاندار ۇيلەرىنە ورالىپ، ءبىر جاساپ قالدى. ايماقتا ەرىگەن قار سۋىنىڭ سالدارىنان بوگەتتەر مەن ەلدى مەكەندەردى سۋ باسقان بولاتىن. قىزىل سۋ جۇرگەن اياگوز، اقسۋات اۋداندارىنىڭ تۇرعىندارى ارنايى ەۆاكۋاتسيالاۋ پۋنكتەرىنە ورنالاستىرىلعان ەدى. بۇگىن اۋدان حالقى ۇيلەرىنە قايتتى. جارما جانە اياگوز اۋدانىنداعى سۋ باسقان اۋىلدارعا وبلىس اكىمى نۇرلان ۇرانحاەۆ ارنايى بارىپ قالىپتاسقان جاعدايمەن تانىسىپ، ءتيىستى تاپسىرمالار بەردى.

Abai.kz