سۋ تاسقىنى: قازاقستان رەسەيدى، رەسەي قازاقستاندى ايىپتايدى...
![](https://abai.kz/content/uploads/2024/04/enone.jpg)
رەسەي پرەزيدەنتىنىڭ ۋرال فەدەرالدى وكرۋگىندەگى ارنايى وكىلى ۆلاديمير ياكۋشەۆ سۋ تاسقىنىنا قازاقستاندى كىنءالاپ، قورعان جانە تۇمەن وبلىستارىنداعى سۋ تاسقىنىن بولدىرماۋ ءۇشىن قازاقستان ءوزىنىڭ سۋ قويمالار جۇيەسىنە سۋدى «كەلىسىلگەن تۇردە جىبەرۋگە مىندەتتى ەدى دەگەن پىكىر ءبىلدىرءدى.
«بىزدە وسىنداي قىس بولعان كەزدە جءانە قاردىڭ مءولشەرى ايتارلىقتاي كءوپ بولسا, سۋ قويماسىندا جەتكىلىكتى مءولشەردە سۋ جينالاتىن بولسا, ءبىزدىڭ ءارىپتەستەرىمىزبەن [قازاقستاندىق] وسى مءاسەلە بويىنشا جۇمىس ىستەۋىمىز كەرەك», - دەدى ياكۋشەۆ ربك تەلەارناسىنداعى سۇحباتىندا.
ونىڭ ايتۋىنشا، الداعى ۋاقىتتا قازاقستاندا اعىندى سۋلاردى رەتتەۋ ارقىلى بىرنەشە اۋماقتا سۋ تاسقىنى ماسەلەسىن بولدىرماۋعا بولادى.
وسى تۇستا قازاقستاننىڭ سۋ رەسۋرستارى جانە يرريگاتسيا مينيسترلىگى ۆلاديمير ياكۋشەۆتىڭ «قازاقستان سۋ جىبەرىپ، ءبىزدىڭ بىرنەشە ەلدىمەكەن سۋعا كەتتى» دەگەن مالىمدەمەسىنە جاۋاپ بەرىپ، تەرىستەدى.
«توبىل ءوزەنىنىڭ بويىنداعى سۋ رەسەيدەن كەلەدى. تيىسىنشە، سۋدى اعىزۋ تۋرالى شەشىم رەسەيلىك جاعىنان كەلەتىن اعىندار نەگىزىندە قابىلدانادى. سوندىقتان رەسەيدەگى سۋ تاسقىنىنا قازاقستان ىقپال ەتەدى دەۋ دۇرىس ەمەس. بۇل شىندىققا جاناسپايدى»، - دەلىنگەن مينيسترلىكتىڭ قازتاگ رەداكتسياسىنا جاۋابىندا.
«تاراپتار رازريادتاردىڭ كءوبەيۋى نەمەسە ازايۋى بويىنشا تءاۋلىك بويى اقپارات الماسادى. ال ءبىز ەشقانداي كەلىسىلمەگەن ءارەكەتتەر تۋرالى ايتىپ وتىرعان جوقپىز. قازاقستاندىق تاراپ رەسەي تاراپىمەن تاتۋ كءورشىلىك ءارىپتەستىك رۋحىندا ىنتىماقتاستىق پەن اقپارات الماسۋدى جالعاستىرۋعا دايىن»، - دەپ اتاپ ءوتتى مينيسترلىك.
داريعا اسقار
Abai.kz