ورال قالاسىنىڭ اكىمى ميرجان ساتقانوۆ ورالدىقتارعا شۇعىل حابارلاندىرۋ جاريالادى:

“قۇرمەتتى ورالدىقتار! بارشاڭىزعا بەلگىلى قالادا جايىق وزەنىنىڭ كوتەرىلۋى كۇردەلى جاعداي بولىپ وتىر.

مامانداردىڭ ايتۋىنشا رەسەي فەدەراتسياسىنان سۋدىڭ مول كولەمى 2-3 كۇندە ورالعا جەتەدى. قاۋىپتى دەڭگەي 8,5 مەتر بولسا، قازىر جايىقتىڭ دەڭگەيى 8 مەترگە جاقىندادى.

سۋ تاسقىنىنا وراي جەرگىلىكتى اتقارۋشى ورگاننىڭ جانە توتەنشە جاعداي قىزمەتتەرىنىڭ بارلىق رەسۋرستارى تارتىلدى. قازىرگى ۋاقىتتا 350 ارنايى تەحنيكا مەن 2000-عا جۋىق ادام جۇمىلدىرىلدى.

سونداي-اق، وزگە وڭىرلەردەن، وبلىسىمىزدىڭ اۋداندارىنان كەلگەن اسكەري قىزمەتشىلەر مەن ەرىكتىلەر بۇل جۇمىسقا بەلسەنە ات سالىسىپ جاتىر.

ەڭ باستىسى ازاماتتاردىڭ اماندىعى! سوندىقتان جايىق جايىلىمىنداعى ەلدىمەكەندەر مەن ساياجايلاردى سۋ باسۋ قاۋپى جوعارى. اسىرەسە كۋرەني، ستاريتسا، كامينتەرن اۋداندارىنىڭ حالقىنا ەۆاكۋاتسيا جاساۋ قاجەت.

ءوزىڭىزدىڭ جانە جاقىن ادامدارىڭىزدىڭ ءومىرىن قاۋىپكە تىكپەي، شۇعىل اعايىن-باۋىرلارىڭىزدىڭ ۇيىنە ورنالاسىڭىز. بولماعان جاعدايدا، ورالىمىزدا ەۆاكۋاتسيالىق ورتالىقتار جۇمىس ىستەۋدە. ولار حالقىمىزدى كۇندىز-ءتۇنى ۇزدىكسىز قابىلدايدى. سۇراقتار بويىنشا، ءبىزدىڭ شتابقا: 24-05-70 نومىرىنە حابارلاسۋىڭىزعا بولادى. ەۆاكۋاتسيانى قازىردەن باستاڭىز!”- دەلىنگەن حابارلاندىرۋدا.

Abai.kz