جۇما, 24 مامىر 2024
انە، كوردىڭ بە؟ 1242 12 پىكىر 16 ءساۋىر, 2024 ساعات 16:36

سۋ تاسقانى ءھام ەسكى قازاقستاندى اڭساۋ ناۋقانى....

كەشەلى-بۇگىن «ەسكى قازاقستان سۋ تاسقىنىن پايدالانىپ بيلىككە كەلگەلى جاتىر» دەگەن تالقى قازاق قوعامىندا قىزۋ تالقىلانۋدا.

تىپتەن، ءماجىلىس دەپۋتاتى ەرلان سايروۆ قازىرگى تاڭدا پرەزيدەنت توقاەۆتى اقپاراتتىق دەڭگەيدە ديسكرەديتاتسيالاۋ ءجۇرىپ جاتقانىن ايتادى.

سۋرەت: parlam.kz

«پرەزيدەنت توقاەۆ قر كونستيتۋتسياسى بويىنشا قازاقستان رەسپۋبليكاسىنىڭ لەگيتيمدى پرەزيدەنتى. كەيبىر سىن ايتۋشىلار - سىن ايتىپ وتىرعان جوق. ولار ءبىزدىڭ ەلىمىزدە ساياسي دەستابيليزاتسيا جاساۋعا تىرىسىپ وتىر. ولار رەۆانشيستىك كۇشتەرگە كەرەك.

ال ولار قيىن-قىستاۋ زاماندى پايدالانىپ، قايتادان بيلىككە كەلۋگە تىرىسىپ وتىر. رەۆانشيستىك كۇشتەر دەگەن كىم؟ ولار بۇرىنعى مەملەكەت باسشىسىنىڭ اينالاسىندا ءجۇرىپ، بايىپ العان، قالتاسىن تولتىرىپ العان، حالىقتىڭ بۇكىل اقشاسىن جەپ ۇيرەنگەن»، - دەيدى دەپۋتات سايروۆ «Abay live» YouTube-ارناسىنا بەرگەن سۇحباتىندا.

سوزىمىزگە دالەل بولسىن، سوڭعى ۋاقىتتارى الەۋمەتتىك جەلىلەردە «شال، كەل» دەگەن نەشە ءتۇرلى چەللەندجدەر باستالىپ،  ەسكى قازاقستاندى جاقتاۋشىلار بەلسەندى بولا باستاعان. تىپتەن «TikTok» جەلىسىندە ارنايى «ەلباسى نازارباەۆ» دەگەن پاراقشا اشىلعان. ونداعى كونتەنتتىڭ جالپى مازمۇنى – ەكس-پرەزيدەنت نازارباەۆتى ماقتاپ، قازىرگى پرەزيدەنت توقاەۆتى داتتاۋ. «شال كەل»، «نازارباەۆقا زار بولىپ قالدىق» ت.ب. ءتىپتى ءبىر پاراقشادا: «قارا سۋمەن جۇرگەن حالىقتى بالعا جەتكىزىپ ەدى! بارىڭدى باعالاي المادىڭدار. ەندى جارقىراپ ءومىر سۇرگەندەرىڭدى كورەيىك! ەلباسىم، سەنىڭ قادىرىڭدى تۇسىنبەگەن حالىقتان كەتكەنىڭ دە دۇرىس بولعان-اۋ!»، - دەگەن مازمۇنداعى كونتەنت تاراعان.

سۋرەت: قازتاگ سكرينى

بۇل ماسەلەگە «نۇرسۇلتان نازارباەۆ» قورى جاۋاپ بەردى، بۇگىن. ولاردىڭ سوزىنشە اتالمىش قوردىڭ انتي-توقاەۆتىق ۇگىت-ناۋقانىنا ەش قاتىستارى جوق.

«قازاقستاندا سۋ تاسقىنى ماۋسىمىنىڭ وتۋىنە بايلانىستى شيەلەنىستى جاعداي اياسىندا كەيبىر الەۋمەتتىك مەديادا نۇرسۇلتان نازارباەۆ قورى جۇرگىزىپ وتىرعان «بيلىكتىڭ بەدەلىن تۇسىرۋگە جانە قوعامدىق-ساياسي جاعدايدى تۇراقسىزداندىرۋعا باعىتتالعان اقپاراتتىق ناۋقان» تۋرالى اقپارات ورنالاستىرىلدى. ءانونيمدى دەرەككوز جاريالاعان اقپاراتتى جەكە مەديا ادامدار دا ايتتى، ولار دا نەگىزسىز ايىپتاۋلار جاسادى. نۇرسۇلتان نازارباەۆ قورى بۇل جاريالانىمدار مەن مالىمدەمەلەردىڭ ەشقانداي وبەكتيۆتى جانە ناقتى نەگىزدەرى جوق دەپ مالىمدەمە جاساۋ قاجەت دەپ سانايدى»، - دەلىنگەن قوردىڭ سەيسەنبى كۇنگى مالىمدەمەسىندە.

قور ونىڭ قىزمەتى «ساياسي دا، اقپاراتتىق-مانيپۋلياتسيالىق سيپاتتا دا جوق» دەپ سەندىرەدى.

«قوردىڭ جۇمىسى تەك الەۋمەتتىك جوبالار مەن ازاماتتىق باستامالاردى دامىتۋعا، قازاقستاندىق جاستاردى قولداۋعا، قايىرىمدىلىق كومەك كورسەتۋگە باعىتتالعان. سونداي-اق، نۇرسۇلتان نازارباەۆ مەملەكەت باسشىسى قاسىم-جومارت توقاەۆتى جانە ول جۇرگىزىپ جاتقان ساياسي باعىتتى ءاردايىم قولدايتىنىن اتاپ وتكىمءىز كەلەدى.

بۇل كۇندەرى تۇڭعىش پرەزيدەنت، ەلىمىزدىڭ كوپتەگەن ازاماتتارى سياقتى، سۋ تاسقىنىنان زارداپ شەككەن قازاقستاندىقتارعا جاناشىرلىق تانىتۋدا. ءبىز مەملەكەت باسشىسى مەن ۇكىمەتتىڭ ەل وڭىرلەرىندە بۇرىن-سوڭدى بولماعان سۋ تاسقىنىنىڭ سالدارىن جويۋ جونىندەگى كۇش-جىگەرىن تولىعىمەن قولدايمىز. نۇرسۇلتان نازارباەۆ قورى زارداپ شەككەن وبلىستاردىڭ تۇرعىندارىن قولداۋ ءۇشىن اقشالاي قاراجات اۋدارىپ، قارجىلاي كومەك كورسەتكەندەردىڭ العاشقىلارىنىڭ ءبىرى بولدى»، - دەلىنگەن حابارلامادا.

Abai.kz

12 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2294
ادەبيەت

«سولاي ەمەس پە؟»

عابباس قابىشۇلى 2641
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2735
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1735