باسپاناسى بۇلىنگەن تۇرعىندارعا وتەماقى تولىق كولەمدە بەرىلەدى.  ارنايى قۇرىلعان كوميسسيا مۇشەلەرى بۇل تۋرالى جاريالادى، دەپ حابارلايدى Abai.kz.

تولىعىمەن سۋعا باتىپ، تۇرۋعا مۇلدەم جارامايتىن ۇيلەردىڭ ورنىنا  جاڭاسى سالىنباق. اقتوبە، قوستاناي، اقمولا، اتىراۋ مەن سولتۇستىك قازاقستان وبلىستارىندا 7 مىڭعا جۋىق تۇرعىن ءالى دە ۋاقىتشا قونىستانۋ پۋنكتەرىندە قالىپ وتىر.

جالپى، بەس ايماقتا 5 مىڭنان استام جەكە تۇرعىن ءۇي، مىڭ جارىم اۋلا مەن ساياجايداعى 2 مىڭ ءۇي سۋ استىندا قالعان. تاسقىن باستالعالى بەرى باس-اياعى 113 مىڭ ادام، ونىڭ ىشىندە 40 مىڭعا جۋىق بالا قۇتقارىلعان. سونداي-اق، 9,7 ميلليوننان استام تەكشە مەتر ەرىگەن قار سۋى سورىپ شىعارىلعان.

Abai.kz