تاجىكستان سۋ تاسقىنىنان زارداپ شەككەن قازاقستاندىقتارعا گۋمانيتارلىق كومەك جەتكىزدى. بۇل تۋرالى تاجىكستاننىڭ توتەنشە جاعدايلار جانە ازاماتتىق قورعانىس كوميتەتىنە مالىمدەدى.

اقپاراتقا سايكەس، گۋمانيتارلىق جۇكتەردى تاپسىرۋ ءراسىمى سارىاعاش قالاسىندا ءوتتى. تاجىكستان قازاقستانعا ازىق-تۇلىك، اۋىز سۋ، قۇرىلىس پەن توبە ماتەريالدارىن جىبەردى. دۋشانبە مەن حۋدجاندادان 61 ۆاگون مەن 13 جۇك كولىگى كەلگەن. جۇكتىڭ جالپى سالماعى 3,5 مىڭ توننانى قۇراپ وتىر.

سارىاعاشقا تاجىكستاننىڭ توتەنشە جاعدايلار جانە ازاماتتىق قورعانىس كوميتەتىنىڭ باسشىسى ر.نازارزودا دا كەلدى. ونىڭ ايتۋىنشا، باۋىرلاس قازاق ەلىنە جەتكىزىلگەن گۋمانيتارلىق كومەك بەيبىتشىلىك پەن ۇلتتىق بىرلىكتىڭ نەگىزىن قالاۋشى – ۇلت كوشباسشىسى، تاجىكستان رەسپۋبليكاسىنىڭ پرەزيدەنتى ەمومالي راحموننىڭ تىكەلەي تاپسىرماسى بويىنشا جەتكىزىلىپ وتىر.

قازاقستاننىڭ توتەنشە جاعدايلار ءمينيسترىنىڭ ورىنباسارى مەن وبلىس باسشىسى تاجىك حالقىنا جاساعان كومەگى ءۇشىن العىس ءبىلدىردى.

ايتا كەتەيىك، بۇعان دەيىن وزبەكستان سۋ تاسقىنىنان زارداپ شەككەن قازاقستاندىقتارعا 15 جۇك كولىگىمەن گۋمانيتارلىق كومەك جونەلتكەن. گەرمانياداعى وتانداستارىمىز دا گۋمانيتارلىق كومەك جيناۋعا كىرىستى.

Abai.kz