ۇلىبريتانيانىڭ سىرتقى ىستەر ءمينيسترى قازاقستانعا رەسمي ساپارمەن كەلەدى. بۇل تۋرالى قر ءسىم ءباسپاسوز قىزمەتى حابارلادى. 

24-25 ساۋىردە ۇلىبريتانيا جانە سولتۇستىك يرلانديا بىرىككەن كورولدىگىنىڭ سىرتقى ىستەر، دوستاستىق جانە دامۋ ءمينيسترى دەۆيد كەمەرون قازاقستانعا جۇمىس ساپارىمەن كەلەدى، دەپ حابارلايدى Azattyq Ruhy.

«كەمەروننىڭ ءىسساپارى كەزىندە ونى ەل باسشىلىعى قابىلداپ، پرەمەر-ءمينيستردىڭ ورىنباسارى-سىرتقى ىستەر ءمينيسترى مۇرات نۇرتىلەۋمەن كەلىسسوزدەر جۇرگىزەدى»، – دەلىنگەن قر ءسىم ءباسپاسوز قىزمەتى تاراتقان حابارلامادا.

ساپار اياسىندا ساياسي، ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىق ماسەلەلەرىن، سونداي-اق وزەكتى وڭىرلىك جانە حالىقارالىق تاقىرىپتاردى تالقىلاۋ جوسپارلانىپ وتىر.

ساپار قورىتىندىسى بويىنشا بىرقاتار ەكىجاقتى قۇجاتتارعا قول قويىلماق.

Abai.kz