«تازا قازاقستان» رەسپۋبليكالىق ەكولوگيالىق اكتسياسى اياسىندا ءوتىپ جاتقان «الماتى – ءبىزدىڭ ورتاق ءۇيىمىز» ناۋقانىنا ۇلت جاناشىرى، حالىق اقىنى ءارى جازۋشى، قوعام قايراتكەرى، قازاقستاننىڭ ەڭبەك ەرى مۇحتار شاحانوۆ تا قولداۋ كورسەتتى.

ول «الاتاۋ» ءداستۇرلى ونەر تەاترى الدىنا الما اعاشىن وتىرعىزىپ، ەكولوگيالىق شارانىڭ قالانىڭ تىنىس-تىرشىلىگى ءۇشىن اسا ماڭىزدى ەكەنىن اتاپ ءوتىپ، جاستارعا باتا بەردى.

«بۇل – جاقسى قاسيەتتەردى ناسيحاتتايتىن، ىنتىماق پەن اۋىزبىرشىلىككە شاقىراتىن جانە مەيىرىمدىلىككە باۋليتىن ۇلكەن ءىس-شارا. مەن 82 جاستا بولسام دا، ورتاق مۇددەمىز ءۇشىن ازاماتتىق بەلسەندىلىك تانىتىپ، اعاش وتىرعىزۋعا كەلدىم. اسەم الماتىمىزدى كوركەيتۋ جولىندا قالا تۇرعىندارى عانا ەمەس، قوناقتارى دا اتسالىسۋى قاجەت. مۇنداي باستامالاردى قولداعان دۇرىس دەپ ويلايمىن. الماتى ەكولوگيالىق مادەنيەت جوعارى دامىعان قالاعا اينالۋعا ءتيىس. سوعان تىرىسۋىمىز كەرەك»، – دەدى قازاقستاننىڭ ەڭبەك ەرى مۇحتار شاحانوۆ.

Abai.kz