الماتىدا ازەربايجان سىرتقى ىستەر ءمينيسترى جەيحۋن بايراموۆ پەن ارمەنيا سىرتقى ىستەر ءمينيسترى ارارات ميرزوياننىڭ كەلىسسوزدەرى باستالدى. 

ازەربايجان مەن ارمەنيا ءسىم باسشىلارىن قازاقستاننىڭ سىرتقى ىستەر ءمينيسترى مۇرات نۇرتىلەۋ كۇتىپ العان.

ازەربايجان مەن ارمەنيا ءسىم باسشىلارىنىڭ رەسمي كەزدەسۋىنە دەيىن مۇرات نۇرتىلەۋ تاراپتارمەن جەكەلەگەن كەلىسسوزدەر وتكىزدى.

ارمەنيا ءسىم باسشىسى ارارات ميرزويان بۇل جولعى المەتى كەلىسسوزدەرىنىڭ سيمۆوليكالىق ءمانى جوعارى ەكەنىن اتاپ ءوتىپ، 1991 جىلعى ازەربايجان مەن ارمەنيا قاقتىعىسىن رەتتەۋگە كۇش سالعان الماتى دەكلاراتسياسىن ەسكە ءتۇسىردى.

الماتى دەكلاراتسياسى ازەربايجان مەن ارمەنيا اراسىنداعى شەكارا بولىسكە ارنالعان دەكلاراتسيا ەدى.

ازەربايجان ءسىم باسشىسى جەيحۋن بايراموۆ ءوز كەزەگىندە تاراپتارعا كەلىسسوز الاڭىن ۇسىنعان قازاقستانعا العىس ايتىپ، بۇگىنگى كەلىسسوزدەردەن وڭ ناتيجە كۇتەتىنىن ايتتى.

Abai.kz