ۇلتتىق بىرىڭعاي تەستىلەۋدەن گرانت الۋ ءۇشىن قانشا بال جيناۋ كەرەكتىگىن عىلىم جانە جوعارى ءبىلىم ءمينيسترى ساياسات نۇربەك الەۋمەتتىك جەلىسىندە ءبولىستى.

– «قۇقىق» جانە «پەداگوگيكالىق عىلىمدار» ءبىلىم بەرۋ سالالارى ءۇشىن كەمىندە 75 بال، «دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» كەمىندە 70 بال، «اۋىل شارۋاشىلىعى جانە بيورەسۋرستار»، «ۆەتەريناريا» كەمىندە 60 بال (ۇلتتىق جوو ءۇشىن); ۇلتتىق جوعارى وقۋ ورىندارىنا ءتۇسۋ ءۇشىن كەمىندە 65 بال، باسقا جوعارى وقۋ ورىندارىنا كەمىندە 50 بال جيناۋ كەرەكتىگىن ەسكە سالدى، – دەيدى ول.

ءمينيستردىڭ ايتۋىنشا، 2024-2025 وقۋ جىلىنا 112 مىڭ گرانت بولىنگەن. ونىڭ 79 مىڭى باكالاۆرياتتىق ءبىلىم الۋعا بولىنگەن.

– وسى اپتادا ەلىمىزدىڭ باتىس وڭىرىندە تالاپكەرلەر ءۇشىن ەڭ اۋقىمدى كورمە وتكەندىگىنە كۋاسىزدەر. ول ءۇشىن اتىراۋ جانە ماڭعىستاۋ وبلىستارىنىڭ اكىمدىكتەرىمەن بىرلەسىپ، اقپاراتتىق-ءتۇسىندىرۋ جۇمىستارى بويىنشا جول كارتالارىن بەكىتتىك»، - دەيدى ساياسات نۇربەك.

Abai.kz