سۋ تاسقىنىنان زارداپ شەككەن 3,5 مىڭنان استام وقۋشى ارالىق جانە قورىتىندى ەمتيحاننان بوساتىلادى، دەپ حابارلايدى Abai.kz.

ۇكىمەت وتىرىسىندا بۇل تۋرالى حابارلاعان قر وقۋ-اعارتۋ ءمينيسترى عاني بەيسەمباەۆ اتالمىش وقۋشىلاردىڭ ءۇش وڭىردەن، ياعني  اتىراۋ، اقتوبە جانە سولتۇستىك قازاقستان وبلىستارىنىڭ ءبىلىم الۋشىلارى ەكەندىگىن ناقتىلادى.

وقۋشىلاردىڭ قورىتىندى باعاسى جىلدىق باعالارى نەگىزىندە شىعارىلادى.

«سۋ تاسقىنىنان زارداپ شەككەن جانە اۋا رايىنىڭ قولايسىزدىعىنا بايلانىستى قىس مەزگىلىندە قاشىقتان وقىعان 2622 مەكتەپتىڭ 832 مىڭ وقۋشىسى ءۇشىن 27-31 مامىر ارالىعىندا «جازعى مەكتەپ» جۇمىسى ۇيىمداستىرىلادى. جازعى مەكتەپتى ۇيىمداستىرۋدىڭ نەگىزگى ماقساتى – وقۋشى بىلىمىندەگى ولقىلىقتاردىڭ ورنىن تولتىرۋ ارقىلى ءبىلىم ساپاسىن ارتتىرۋعا باعىتتالعان»، - دەدى وقۋ-اعارتۋ ءمينيسترى.

Abai.kz