قازاقستان پرەزيدەنتى قاسىم-جومارت توقاەۆ ۆەتنامنىڭ جاڭادان سايلانعان پرەزيدەنتى تو لامعا قۇتتىقتاۋ جەدەلحاتىن جولدادى. 

مەملەكەت باسشىسى ۆەتنام پرەزيدەنتىنىڭ الداعى بارلىق باستاماسىنا تابىس، ال دوستاس ۆەتنام حالقىنا باق-بەرەكە تىلەدى.

ء"سىز وسى لاۋازىمدا قىزمەت ەتكەن كەزەڭدە عاجاپ ەلىڭىز ودان ءارى گۇلدەنىپ، ۇيلەسىمدى جانە ورنىقتى قوعام قۇرۋ جولىندا تۇراقتى دامي بەرەتىنىنە سەنىمدىمىن. قازاقستان مەن ۆەتنامدى ءوزارا سەنىم مەن ورتاق مۇددەگە نەگىزدەلگەن تىعىز قارىم-قاتىناستار بايلانىستىرادى. ەلدەرىمىزدىڭ مۇددەسى جولىنداعى كوپقىرلى ىقپالداستىقتى وركەندەتۋ ءۇشىن جاڭا مۇمكىندىكتەردى سىزبەن بىرلەسىپ پايدالانۋعا دايىنمىن", – دەپ جازىلعان جەدەلحاتتا.

Abai.kz