ۇبت كەزىندە ەرەجە بۇزعانى ءۇشىن 396 تالاپكەردىڭ ناتيجەسى جويىلدى، دەپ حابارلايدى Abai.kz ۇلتتىق تەستىلەۋ ورتالىعىنا سىلتەمە جاساپ.

ۇبت باستالعالى شەكتى بالدى 76% تالاپكەر جينادى.

ەڭ جوعارى بالل — 138, سەگىز ادام 137 بالل جينادى.

• ۇبت تاپسىرۋشىلارىنىڭ:
• 18 پايىزى — "ماتەماتيكا-فيزيكا";
• 16 پايىزى — "بيولوگيا-حيميا";
• 15 پايىزى — "شىعارماشىلىق ەمتيحان" كومبيناتسياسىن تاڭداعان.

ەرەكشە ءبىلىم بەرۋ قاجەتتىلىگى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇبت-عا بەس اپتانىڭ ىشىندە 577 تالاپكەر قاتىستى.

بۇگىنگى تاڭدا 396 ەرەجە بۇزۋ فاكتىسى انىقتالدى. ونىڭ ىشىندە 267 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى. تەستىلەۋ كەزىندە ەرەجەلەردى بۇزعانى ءۇشىن اۋديتوريادان 120 ادام شىعارىلىپ، ولاردىڭ ناتيجەلەرى جويىلدى.

بەينەجازبانى تەكسەرگەن سوڭ ەرەجە بۇزعان توعىز ادامنىڭ ناتيجەسى جويىلدى. بوگدە تۇلعالار انىقتالعان جوق.

Abai.kz