جاپونيا پرەمەرى فۋميو كيشيدا قازاقستانعا كەلەدى
جاپونيا مينيسترلەر كابينەتىنىڭ باس حاتشىسى يوسيماسا حاياسي بۇگىن ءباسپاسوز ءماسليحاتىندا پرەمەر-مينيستر فۋميو كيشيدا تامىز ايىندا ورتالىق ازيانىڭ بەس ەلىمەن وتەتىن سامميتكە قاتىسۋ ءۇشىن قازاقستانعا كەلەتىنىن حابارلادى.
جاپونيانىڭ Kyodo News حابارلاۋىنشا، يوسيماسا حاياسي جاپونيانىڭ 2004 جىلى ورتالىق ازيانىڭ بەس ەلىمەن سىرتقى ىستەر مينيسترلەرىنىڭ كەزدەسۋى مەحانيزمىن ىسكە قوسقانىنا 20 جىل وتكەنىن اتاپ ءوتتى. يوسيماسا حاياسي جاپونيانىڭ ورتالىق ازيانىڭ بەس ەلىمەن قارىم-قاتىناسى تۋرالى ايتتى.
«دوستىق پەن ءوزارا سەنىمگە نەگىزدەلگەن ارىپتەستىك پەن ءوزارا ءتيىمدى ىنتىماقتاستىق تەرەڭدەي ءتۇستى»، - دەيدى ول.
يوسيماسا حاياسي سونداي-اق رەسەيدىڭ ۋكرايناعا اسكەري شابۋىلىن ەسكەرە وتىرىپ، ەركىن جانە اشىق زاڭ ۇستەمدىگىنە نەگىزدەلگەن حالىقارالىق ءتارتىپتى ساقتاۋ جانە نىعايتۋ ءۇشىن ورتالىق ازيا ەلدەرىمەن ىنتىماقتاستىق بۇرىنعىدان دا ماڭىزدى ەكەنىن ايتتى.
Abai.kz
