«قازايتىس» دەگەن سايت مەن جازباعان ماقالانى مەن جازدى قىلىپ بىردەڭە جاريالاپتى. اتالعان سايتتىڭ ايتۋىنا قاراعاندا، مەن مۇسىلمانعا قاس، ەلگە جاۋلىق ساعىنىپ جۇرگەن پيعىلى لاس ادام كورىنەمىن. شىرىگەن باي ەكەنمىن. ۇكىمەتتەن اقشانى كۇرەپ الىپ سىرتتىڭ ءسوزىن سويلەپ، سويىلىن سوعادى ەكەنمىن. پالەلايدا-شالەلاي، پالەن-پاشتۋەن، ي.ت.  سودان ۇلاربەك نۇرعالىم دەگەن باۋىرىما حابارلاستىم(«قازايتىستىڭ» باس رەداكتورى). ءمان-جايدى ايتتىم. «قازايتىستىڭ» باننەرى تۇرعان (وسى سايت تانىلسىنشى، «ابايدىڭ» وقىرمانى «قازايتىستى» دا قاراپ وتىرسىنشى دەگەن ىقىلاسىمىز ەدى) «ابايعا» قوڭىراۋ شالىپ، ءومىرجان دوسىڭنان «مۇرتىنان ايىرىلىپ، ساقالى عانا قالعان ايتىستان نەگە ءمان كەتتى؟» (http://old.abai.kz/node/41176)  اتتى ماقالانىڭ شىن اۆتورىن سۇراپ المادىڭ با؟» دەپ ءبىراز كەيىدىم.

ءسوزدىڭ قىسقاسى، ۇلاربەك جاڭساق كەتكەندەرىن ءتۇسىنىپ جىگىتشە شەشىم قابىلداي ما، الدە وزىمدىكى دۇرىس دەپ وزەۋرەپ وتىرىپ الا ما، ونى ءوزى بىلەدى. مەن مىنانى ايتامىن:

1. بىرىنشىدەن، اقتالۋدان اۋلاقپىن، بىراق ايتىستىڭ «مۇرتى» مەن «ساقالىنا» قاتىستى ماقالانىڭ اۆتورى مەن ەمەسپىن. مەن جانە ماقالانىڭ جاۋاپكەرشىلىگىنەن جالتارىپ، اتى-ءجونىن جاسىرىپ-جاباتىن ادام ەمەسپىن.

«قازايتىس» دەگەن سايت مەن جازباعان ماقالانى مەن جازدى قىلىپ بىردەڭە جاريالاپتى. اتالعان سايتتىڭ ايتۋىنا قاراعاندا، مەن مۇسىلمانعا قاس، ەلگە جاۋلىق ساعىنىپ جۇرگەن پيعىلى لاس ادام كورىنەمىن. شىرىگەن باي ەكەنمىن. ۇكىمەتتەن اقشانى كۇرەپ الىپ سىرتتىڭ ءسوزىن سويلەپ، سويىلىن سوعادى ەكەنمىن. پالەلايدا-شالەلاي، پالەن-پاشتۋەن، ي.ت.  سودان ۇلاربەك نۇرعالىم دەگەن باۋىرىما حابارلاستىم(«قازايتىستىڭ» باس رەداكتورى). ءمان-جايدى ايتتىم. «قازايتىستىڭ» باننەرى تۇرعان (وسى سايت تانىلسىنشى، «ابايدىڭ» وقىرمانى «قازايتىستى» دا قاراپ وتىرسىنشى دەگەن ىقىلاسىمىز ەدى) «ابايعا» قوڭىراۋ شالىپ، ءومىرجان دوسىڭنان «مۇرتىنان ايىرىلىپ، ساقالى عانا قالعان ايتىستان نەگە ءمان كەتتى؟» (http://old.abai.kz/node/41176)  اتتى ماقالانىڭ شىن اۆتورىن سۇراپ المادىڭ با؟» دەپ ءبىراز كەيىدىم.

ءسوزدىڭ قىسقاسى، ۇلاربەك جاڭساق كەتكەندەرىن ءتۇسىنىپ جىگىتشە شەشىم قابىلداي ما، الدە وزىمدىكى دۇرىس دەپ وزەۋرەپ وتىرىپ الا ما، ونى ءوزى بىلەدى. مەن مىنانى ايتامىن:

1. بىرىنشىدەن، اقتالۋدان اۋلاقپىن، بىراق ايتىستىڭ «مۇرتى» مەن «ساقالىنا» قاتىستى ماقالانىڭ اۆتورى مەن ەمەسپىن. مەن جانە ماقالانىڭ جاۋاپكەرشىلىگىنەن جالتارىپ، اتى-ءجونىن جاسىرىپ-جاباتىن ادام ەمەسپىن.

2. ەكىنشىدەن، «اباي.كز» «اباي.كز» بولعالى بىرەۋدىڭ كوكەيىن تەسكەن ويعا جەگىلىپ، جات پيعىلدىڭ مۇرات-ماقساتىنا جۇمىس جاساعان جوق. راس، ماقالا اۆتورلارى ارتىق-كەم ايتىپ قالادى. بىراق، ءبىز سوعان وراي ەكىنشى تاراپتىڭ ءسوز الۋىنا، پىكىر بىلدىرۋىنە مۇمكىندىك تۋدىرىپ وتىرامىز. قوعامدا پىكىر قايشىلىعى، كوزقاراس الۋاندىعى دەگەن بولىپ تۇرادى. ونى جاريا ەتۋ – «ەلگە جاۋلىق ساعىنۋ» ەمەس، ەل ءىشىن الاتايداي ءبۇلدىرۋ ەمەس. شىندىق اركىمدە بار. اقيقات عانا جالقى. اقيقاتتى تانۋ ءۇشىن اقيقاتقا اپارار جولدىڭ اڭگىمەسى ايتىلۋى كەرەك. ءبىز ءبارىمىز قوعامنىڭ مازمۇنىن، ۋاقىتتىڭ بولمىسىن وي ەلەگىنەن وتكىزە وتىرىپ ەسەيەمىز. ويعا جەتەمىز. بايلام جاسايمىز. ماسەلەنىڭ ءمان-جايىن ۇعىنامىز. نارسەنىڭ اق-قاراسىن ايىرامىز. سوندىقتان ۇلاربەك نۇرعالىم «ايتىسپەن ايتىسقانعا» دەپ ايدالاعا لاقپاي الدىمەن ماقالا اۆتورىن انىقتاپ الىپ وعان قارسى ءۋاج ايتقاندا، ايتقانى ايتقان كۇيىندە، دەگەنى دەگەن كۇيىندە «ابايدا» مىندەتتى تۇردە جاريا كورەتىن ەدى.

3. ۇشىنشىدەن، «اباي» مەن «ماسادا» جارىق كورەتىن ماقالالارعا بايلانىستى جازىلاتىن پىكىرلەردى رەداكتسيا قىزمەتكەرلەرى ۇيىمداستىرمايدى. مۇندا دا قيلى سوزدەر، قىڭىر ويلار، قيسىق اڭگىمەلەر ايتىلادى، ارينە. سول سەبەپتى ءبىزدىڭ ءومىرجان ابدىحالىق بالاسى اۋزىنان اق يت كىرىپ، كوك يت شىعاتىنداردى تىيىپ وتىرۋعا تىرىسادى. الايدا، بارىنە بىردەي ۇلگەرە بەرمەيدى. ويتكەنى بىزدە مۇراعاتتاعى ماتەريالدار دا وقىلىپ، تالقىلانىپ جاتادى. سونداي كەزدەردە ءبىز تانيتىن، ءتىپتى تانىمايتىن ادامدار قوڭىراۋ شالىپ «انە ءبىر پىكىر قاتتى كەتىپ قالىپتى، الىپ تاستاۋعا بولادى ما ەكەن؟» دەپ ءوتىنىش بىلدىرەدى. ءبىز ەشكىمگە جاۋ ەمەسپىز، ءبىز دە ەت پەن سۇيەكتەن، قۋاناتىن، ۋاناتىن جۇرەكتەن جارالعان جانبىز. بىرەۋدى ناقاق كۇيدىرۋگە ءوز باسىم مۇلدە قارسى اداممىن. «الىپ تاستاشى» دەگەن ءسوزدىڭ «اياعىن اسپاننان كەلتىرەمىز». جويامىز. وسى ءبىر قاراپايىم قاتىناستىڭ ۇشىعىنا جەتپەگەندىكتەن كەيبىر اعايىن بىزگە، انىعى – ماعان الا كوز بولىپ ءجۇر.

4. ... الايدا، الدەكىمنىڭ وكپەسى قابىنىپ، ءوتى جارىلادى ەكەن دەپ «Abai.kz»اقپاراتتىق پورتالى العان بەتىنەن قايتپايدى. ەلدىڭ جايىن ەكپىندەي سويلەپ، ەڭىرەتە جازساق ەگيپەتكە، كەم-كەتىكتى سۇلكيتە كورسەتىپ، سۇيرەي جازساق سۇرياعا، ت.ب. اينالىپ ىرگەمىز شايقالىپ، ىشكەنىمىز – ءىرىڭ، جەگەنىمىز – جەلىم بولىپ ازىپ-توزىپ كەتەمىز دەگەن قوسۇرەي، قورقاق وي مەن  قورتىق تۇسىنىكتىڭ قوتانىندا ومالىپ وتىرا المايمىز. ەلىمىزدىڭ بابالار زامانىنان بەرى مىزعىماعان بىرلىگى مەن زاماناۋي قازاقستان مەملەكەتىنىڭ ارحيتەكتورى – ەلباسىمىز نۇرسۇلتان نازارباەۆتىڭ تىرلىگىنە سەنبەيتىندەر عانا الدى-ارتىن تىعىنداپ قويىپ، تىمپيىپ جۇرە بەرسىن. مەملەكەتتىڭ بۇگىنى مەن بولاشاعىنا سەنبەيتىندەر، ازدى-كەمدى ماسەلەنى كورە تۇرىپ كورمەيتىندەر عانا «ويباي، ۇندەمە!» دەيتىن ۇندەمەس ويىندى ەرەمەك قىلادى. تەگىندە بار عوي، قورىقساڭ ۇندەمەستەن – قورىق. جاۋ جاۋلىعىن جاريا ەتپەيدى، ۇندەمەي جاسايدى. ءبىزدىڭ جاعدايىمىزدا ەكىنىڭ ءبىرى: نە ۇنسىزدىك تانىتۋ، نە جالاباڭداپ جارىسا ماقتاۋ.

ءبىز ءوزىمىز ولگەنشە جاقسى كورەتىن قازاق مەملەكەتىندە ءومىر ءسۇرىپ كەلەمىز. زامان بىزدىكى، قوعام بىزدىكى. سوندىقتان بۇل قوعامنىڭ جاقسىسىنا تاسىنىپ، جامانىنا جانىمىز اۋىرادى. ويتكەنى وسى ەلدىڭ، وسى قوعامنىڭ ازاماتىمىز. ال، «قوعامنان حايۋان عانا سىرت تۇرادى» (دج. نەرۋ). دەمەك، ءىشىنارا ديزايندىك وزگەرىستەر بولماسا، «ابايدىڭ»  اقپارات مايدانىنداعى بەلسەندىلىگى، ابجىلدىگى جارقىراي تۇسپەسە، جابىراڭقى تارتپايدى.

جاڭا عاسىردىڭ العاشقى مۇشەلىن ارتقا تاستادىق. كۇنتىزبەدە جاڭا جىلدىڭ، جاڭ كۇننىڭ پاراعى اشىلدى. ايبارلان، الاش! ابايشىل، الاششىل بول!

Abai.kz