جايلى مەكتەپتەر بارلىق تالاپقاي ساي بولۋعا ءتيىس – دەپۋتات
![](https://abai.kz/content/uploads/2024/07/enoen.jpg)
ءماجىلىسى دەپۋتاتى، «AMANAT» پارتياسى فراكتسياسىنىڭ مۇشەسى ماكسيم روجين الماتى وبلىسىنىڭ قاراساي اۋدانىنا قاراستى قاسكەلەڭ قالاسىنداعى «جايلى مەكتەپ» ۇلتتىق جوباسى اياسىندا سالىنىپ جاتقان 1500 ورىندىق مەكتەپتىڭ قۇرىلىسىمەن تانىستى. وقۋشى ورىندارىنىڭ تاپشىلىعى ماسەلەسىن شەشۋ – پارتيانىڭ سايلاۋالدى باعدارلاماسىنىڭ باسىم باعىتتارىنىڭ ءبىرى.
مەكتەپ قۇرىلىسىنىڭ بيۋدجەتى 6,6 ملرد تەڭگەنى قۇرادى. جاڭا وقۋ وشاعىندا ساپالى ءبىلىم الۋ ءۇشىن بارلىق جاعداي جاسالعان. مەكتەپتە وقۋ كابينەتتەرىمەن قاتار، تەحنولوگيالاردى وڭدەۋ شەبەرحاناسى، سپورت زالى، ءماجىلىس زالى، اسحانا، زەرتحانالىق جانە كومپيۋتەرلىك سىنىپتار، مەديتسينا كابينەتى بولادى. مەردىگەر مەكەمەنىڭ وكىلى جىل سوڭىنا دەيىن قۇرىلىس جۇمىسىنىڭ اياقتالاتىنىن ايتتى.
– «AMANAT» پارتياسىنىڭ سايلاۋالدى باعدارلاماسى اياسىندا وڭىردە 26 جايلى مەكتەپتىڭ قۇرىلىسى قارقىندى جۇرۋدە. بۇدان باسقا بيىل تاعى دا 27 مەكتەپتىڭ قۇرىلىسىن باستاۋ جوسپارلانعان. ال قاسكەلەڭدە سالىنىپ جاتقان وسى نىساننىڭ قۇرىلىس جۇمىسى قازىرگى ۋاقىتتا 60 پايىزعا اياقتالعان. مەردىگەرلەر مەكتەپتى ۋاقىتىندا بىتىرۋگە ءتيىس. ارينە، ءبىرىنشى كەزەكتە مەكتەپتىڭ قۇرىلىسى جوعارعى دەڭگەيدە بارلىق تالاپتارعا ساي بولعانى ماڭىزدى. «جايلى مەكتەپ» جوباسى اياسىندا سالىناتىن مەكتەپتەردىڭ جيھازى تولىقتاي وتاندىق ءونىم بولۋى قاجەت، – دەدى ماكسيم روجين.
ساپار بارىسىندا دەپۋتات وتاندىق ءونىمنىڭ ساپاسىن باقىلاۋ ماقساتىمەن جيھاز جاساۋمەن اينالىساتىن «الاتاۋ پروگرەسس كز» سەرىكتەستىگىندە بولدى. 100-گە جۋىق ادامدى جۇمىسپەن قامتىعان «Altamir» ءوندىرىس تسەحىنىڭ جۇمىسشىلارىمەن كەزدەستى. ەڭبەك ۇجىمىنا زاڭناماداعى جاڭاشىلدىقتار تۋرالى ايتىپ، پارتيانىڭ سايلاۋالدى باعدارلاماسى اياسىندا اتقارىلىپ جاتقان جۇمىستاردى باياندادى.
جيھاز تسەحىنىڭ قۇرىلتايشىسى باۋىرجان مولداباەۆتىڭ ايتۋىنشا، بۇگىنگى تاڭدا وسى زاۋىتتا وندىرىلەتىن مەكتەپ جيھازدارى تاپسىرىس بەرۋشىلەر تاراپىنان جاقسى باعا الىپ، وعان دەگەن سۇرانىس ارتا تۇسۋدە. 2023 جىلدىڭ قورىتىندىسى بويىنشا ءوندىرىس كولەمى 2 ميلليارد تەڭگەنى قۇراعان.
– زاماناۋي جيھاز دا بارلىق قاۋىپسىزدىك تالاپتارىنا سايكەس بولۋى شارت. سوڭعى كەزدە وتاندىق ءونىم ۇلەسىنىڭ ارتىپ كەلە جاتقانىن ەرەكشە اتاپ وتۋگە بولادى. دەگەنمەن، جەڭىل ونەركاسىپتە يمپورتتىڭ باسىم ەكەنىن ەسكەرسەك، وتاندىق ۇلەستى ارتتىرۋ جانە دايىن ءونىمدى ساتۋ اۋماعىن كەڭەيتۋ جۇمىستارىن جالعاستىرۋ كەرەك. ءبىز ءوز تاراپىمىزدان كومەكتەسۋگە دايىنبىز، – دەدى ءماجىلىس دەپۋتاتى.
قازىرگى تاڭدا ەڭبەكشىقازاق، قاراساي، جامبىل، ىلە، تالعار اۋداندارىندا 39 ءۇش اۋىسىمدا جۇمىس ىستەيدى. 26 مىڭنان استام وقۋشىعا ورىن جەتىسپەيدى. وسى ماسەلەنى شەشۋ ءۇشىن «AMANAT» پارتياسىنىڭ وبلىستىق 2023-2027 جىلدارعا ارنالعان سايلاۋالدى باعدارلاماسى اياسىندا «جايلى مەكتەپ» جوباسىمەن 53 مەكتەپتىڭ قۇرىلىسى جوسپارلانعان.
ءماجىلىستىڭ ءباسپاسوز قىزمەتى،
(«AMANAT» پارتياسىنىڭ اقپاراتى بويىنشا)
Abai.kz