قارجى مونيتورينگ اگەنتتىگىنىڭ مالىمەتىنشە قازاقستاندا قارجى پيراميدالارىنا قاتىستى 22 قىلمىستىق ءىس تەرگەلىپ جاتىر.

"ازاماتتاردى الاياقتىق سحەمالارعا تارتۋدان قورعاۋ ماقساتىندا قارجى پيراميدالارىن ۇيىمداستىرۋشىلارعا قاتىستى 22 تەرگەۋ باستالدى. قۇقىققا قارسى مازمۇنداعى 14 مىڭ سىلتەمە الدىن الا بۇعاتتالىپ، 100-دەن استام قۇقىققا قارسى چاتتار مەن اككاۋنتتار جويىلدى. جالپى قىلمىستىق ىستەر بويىنشا وتەم 3,5 ەسە (48,3-تەن 164,4 ملرد تەڭگەگە دەيىن), ونىڭ ىشىندە اقشا جەتى ەسە (11-دەن 79 ملرد تەڭگەگە دەيىن) ۇلعايدى، بۇل جۇمىس تيىمدىلىگىنىڭ ارتقانىن كورسەتەدى", – دەلىنگەن حابارلامادا.

بۇدان بولەك، 19,2 ميلليارد تەڭگەگە بيۋدجەت قاراجاتىن ۇرلاۋدىڭ 111 فاكتىسى بويىنشا سوتقا دەيىنگى تەرگەۋ شارالارى جۇرگىزىلىپ جاتىر.

سۋرەت: egemen.kz

Abai.kz